ଭଦ୍ରକ/ସୀତାକାନ୍ତ ପାଢ଼ୀ : ଏପିଜେ ଅବଦୁଲ କାଲାମ ଦ୍ୱୀପ ନିକଟରେ ଜଳିଗଲା ମାଛ ଧରୁଥିବା ବୋଟ୍ । ଅଳ୍ପକେ ବର୍ତ୍ତିଲେ ୧୦ ଜଣ ମତ୍ସ୍ୟଜୀବୀ । ସୂଚନା ଅନୁସାରେ, ଧାମରା ଦୋଇସିଙ୍ଗାର କିଛି ଧିବର ମାଛ ମାରିବାକୁ ସମୁଦ୍ରକୁ ଯାଇଥିଲେ । ମତ୍ସ୍ୟଜୀବୀ ମାନେ ଏପିଜେ ଅବଦୁଲ କାଲାମ ଦ୍ୱୀପ ନିକଟରେ ମାଛ ମାରିବା ବେଳେ ବୋଟରେ ନିଆଁ ଲାଗି ଯାଇଥିଲା ।ବୋଟରେ ନିଆଁ ଲାଗିବା ପରେ ତଟରକ୍ଷୀ ବାହିନୀ ସହ ଯୋଗାଯୋଗ କରିଥିଲେ ମତ୍ସ୍ୟଜୀବୀ । ସଙ୍ଗେ ସଙ୍ଗେ ତଟରକ୍ଷୀ ବାହିନୀ ପହଞ୍ଚି ନିଆଁ ଲାଗିଥିବା ବୋଟରୁ ମତ୍ସ୍ୟଜୀବୀଙ୍କୁ ଉଦ୍ଧାର କରି ଜୀବନ ବଞ୍ଚାଇଥିଲା । ତେବେ କେଉଁ ପରିସ୍ଥିତିରେ ବୋଟରେ ନିଆଁ ଲାଗିଲା ତାହା ଜଣା ପଡ଼ିନାହିଁ ।