ମେଲଛାମୁଣ୍ଡା(ମନୋଜ ଭୋଇ)- ମେଲଛାମୁଣ୍ଡାସ୍ଥିତ ଥାନା କାର୍ଯ୍ୟାଳୟର ପୂଜା ମଣ୍ଡପରେ ଦଶମୀ ତିଥି ଅବସରରେ ପୁଲିସ କର୍ମଚାରୀଙ୍କ ଦ୍ୱାରା ମହାସମାରୋହରେ ଦୂର୍ଗା ପୂଜା ଅନୁଷ୍ଠିତ ହୋଇଯାଇଛି । ଏହି ଅବସରରେ ପୁଲିସ କର୍ମଚାରୀଙ୍କୁ ନେଇ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ପୁଲିସ କର୍ମଚାରୀ ମାନେ ମେଲଛାମୁଣ୍ଡା ବଡବନ୍ଧରୁ ପୂର୍ଣ୍ଣ କଳସ ସବୁ ଏକ ଶୋଭାଯାତ୍ରାରେ ଗ୍ରାମ ପରିକ୍ରମାକରି ଥାନା ପରିସରରେ ଥିବା ପୂଜା ମଣ୍ଡପରେ ସ୍ଥାପନ କଳା ପରେ ପଣ୍ଡିତ ବାବନ ମିଶ୍ର ଓ ପଣ୍ଡିତ ଶଶିଭୂଷଣ ମିଶ୍ରଙ୍କ ମନ୍ତ୍ରୋଚାରଣରେ ପୂଜା କାର୍ଯ୍ୟ ଆରମ୍ଭ ହୋଇଥିଲା । ଥାନା ଭାରପ୍ରାପ୍ତ ଅଧିକାରୀ ବାଲୁଙ୍କେଶ୍ୱର ନାଏକ ସସ୍ତ୍ରୀକ ପୂଜାକର୍ତ୍ତା ଦାୟିତ୍ୱ ତୁଲାଇଥିଲେ । ପୂଜା ସମୟରେ ଥାନା ସମସ୍ତ ଅସ୍ତ୍ର ଶସ୍ତ୍ରକୁ ପୂଜା କରାଯାଇଥିଲା । ପଣ୍ଡିତ ମାନଙ୍କୁ ଝାଙ୍କର ଝସକେତନ ବରିହା ଓ ବାରିକ ଭୁବନେଶ୍ୱର ବାରିକ ସହଯୋଗ କରିଥିଲେ । କଳସ ଶୋଭାଯାତ୍ରାରେ ଏଏସଆଇ କେତନ ଧରୁଆ, ଏଏସଆଇ ଶ୍ରଦ୍ଧାକର କନ୍ଧ, ଏଏସଆଇ କ୍ଷମଶୀଲ ପଧାନ, କନେଷ୍ଟବଲ ବାସୁଦେବ ମେହେର, କନେଷ୍ଟବଲ ଅଶୋକ ପଧାନ, କନେଷ୍ଟବଲ ମଂଜୁ ଲାକ୍ରା, କନେଷ୍ଟବଲ ସୌଦାମିନି ପୁରୋହିତ, କନେଷ୍ଟବଲ ସୁମିତ୍ରା ଲୁହା, ପ୍ରଭାସ ଚନ୍ଦ୍ର ପଧାନ, ନିମେଇଁ ବାରିକ, ସୁମନ୍ତ ନାଏକ, ସୁଦାମ କୁମ୍ଭର, ସୌକି ବାରିକ, ପଂଚାନନ ବଗାର ପ୍ରମୁଖ ପୁଲିସ କର୍ମଚାରିଙ୍କ ସମେତ ମେଲଛାମୁଣ୍ଡା ଥାନା ଅଂଚଳର ୮୦ମୌଜାର ଗୋନ୍ତିଆ, ଝାଙ୍କର ଓ ଭଦ୍ର ବ୍ୟକ୍ତି ମାନେ ସାମିଲ ହୋଇଥିଲେ । କାର୍ଯ୍ୟକ୍ରମ ସବୁକୁ ବିମଲ ବେହେରା, ଡୋଲାମଣି ମହାନନ୍ଦ, ସୁନ୍ଦରମଣି କର୍ରି, ବୃନ୍ଦାବନ କଅଁର, ମକୁନ୍ଦ ବାରିକ, ସୁରଥ ବାଗ ପ୍ରମୁଖ ଗୃହରକ୍ଷୀ ସହଯୋଗ କରିଥିଲେ ।