ଯଶିପୁର : ଆଜି ମୟୂରଭଞ୍ଜ ଜିଲ୍ଲା ଯଶିପୁର ବ୍ଳକ ଅଧିନସ୍ଥ ଉସ୍କି ଆଶ୍ରମ ବିଦ୍ୟାଳୟ ରେ ବିଦ୍ୟାଳୟ ପରିଚାଳନା କମିଟି ସଦସ୍ୟ ସଦସ୍ୟାଙ୍କ ନିମନ୍ତେ ଉଦ୍ଦିଷ୍ଟ ତ୍ରିଦିବସୀୟ ବିଦ୍ୟାଳୟ ପରିଚାଳନା ସମତି ପ୍ରଶିକ୍ଷଣ ଶିବିର ସହଯୋଗ-ll ଉଦଘାଟିତ ହୋଇଯାଇଛି । ଏହି ପ୍ରଶିକ୍ଷଣ ଶିବିର କୁ ବିଦ୍ୟାଳୟ ପରିଚାଳନା କମିଟି ସଭାନେତ୍ରୀ ଉଦ୍‌ଘାଟନ କରିଥିଲେ । ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ଦେବାନନ୍ଦ ନାୟକ ଏହି ପ୍ରଶିକ୍ଷଣ ଶିବିର ର ଉଦ୍ଦେଶ୍ୟ ଜ୍ଞାପନ କରିଥିଲେ । ସହକାରୀ ଶିକ୍ଷକ ପୁରନ୍ ମେହେର ପ୍ରଶିକ୍ଷକ ଭାବରେ ଯୋଗଦେଇ ବିଦ୍ୟାଳୟ ପରିଚାଳନା କମିଟି ସଦସ୍ୟଙ୍କୁ ବିଭିନ୍ନ ବିଷୟରେ ଆଲୋକପାତ କରିବା ସହ ତାଙ୍କ ଭୂମିକା ଓ କାର୍ଯ୍ୟ ସଂପର୍କରେ ଅବଗତ କରିଥିଲେ । ସ୍ୱଚ୍ଛ ବିଦ୍ୟାଳୟ , ବିପର୍ଯ୍ୟୟ ପ୍ରଶମନ ସମ୍ବନ୍ଧୀୟ , ଛାତ୍ର ଛାତ୍ରୀଙ୍କ ପରିବର୍ତ୍ତିତ ବ୍ୟବହାର ,ଶାଳା ସିଦ୍ଧି ,ଶିକ୍ଷା ଅଧିକାର ଆଇନ୍ ଆଦି ବିଷୟରେ ଆଲୋଚନା କରାଯାଇଥିଲା ।