ବିଜୟଶ୍ରୀ ରାଉତରାୟ ସ୍ମୃତି ଜ୍ଞାନ ରତ୍ନ ସମ୍ମାନ ୨୦୨୨ , ପ୍ରତିଭା ସମ୍ବର୍ଦ୍ଧନା ଉତ୍ସବ ପାଳନ
ବାସୁଦେବପୁର/ପ୍ରତାପ ପାଢ଼ୀ- ବାସୁଦେବପୁର ରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇ ଛନ୍ତି ଭଦ୍ରକ ଜିଲ୍ଲାପାଳ ସିଦ୍ଧେଶ୍ୱର ବଳରାମ ଓ ବାସୁଦେବପୁର ବିଧାୟକ ବିଷ୍ଣୁ ବ୍ରତ ରାଉତ ରାୟ। ପ୍ରଥମେ ବାସୁଦେବପୁର ଗୋଷ୍ଟି ସ୍ବାସ୍ଥ୍ୟ ବିଭାଗ ରେ ଏକ ଆମ୍ବୁଲାନ୍ସ ଉଦ୍ ଘାଟନ କରିଥିଲେ ଭଦ୍ରକ ଜିଲ୍ଲାପାଳ ଓ ବିଧାୟକ ବିଷ୍ଣୁ ବ୍ରତ। ପରେ ପରେ ସ୍ଥାନୀୟ ଟାଉନ୍ ହଲ୍ ପରିସର ରେ ବିଜୟଶ୍ରୀ ରାଉତ ରାୟ ସ୍ମୃତି କମିଟି ପକ୍ଷରୁ ଆୟୋଜିତ ପ୍ରତିଭା ସମ୍ବର୍ଦ୍ଧନା ଉତ୍ସବ, ବିଜୟ ଶ୍ରୀ ସ୍ମୃତି ଜ୍ଞାନ ରତ୍ନ ସମ୍ମାନ ୨୦୨୨ କାର୍ଯ୍ୟ କର୍ମ ରେ ଯୋଗ ଦେଇ ଥିଲେ, ବାସୁଦେବପୁର ବ୍ଳକ ଶିକ୍ଷା ଅଧିକାରୀ ଶ୍ରୀଯୁକ୍ତ ଜଗବନ୍ଧୁ ସାହୁ ଙ୍କ ସଭାପତିତ୍ବ ରେ ଆୟୋଜିତ ସଭାରେ ଭଦ୍ରକ ଜିଲ୍ଲାପାଳ ଙ୍କ ସହ ବାସୁଦେବପୁର ବିଧାୟକ ବିଷ୍ଣୁ ବ୍ରତ ରାଉତ ରାୟ, ସାଂସଦ ଙ୍କ ପ୍ରତିନିଧି ସୁରେଶ ଚନ୍ଦ୍ର ମହାନ୍ତି, ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ବିଶ୍ଵାଳ, ପୌର ଅଧ୍ୟକ୍ଷା ନିବେଦିତା ବେହେରା, ବିଧାୟକ ଙ୍କ ପ୍ରତିନିଧି ଅସିତ୍ କୁମାର ଦାସ ଯୋଗ ଦେଇ ବାସୁଦେବପୁର ବ୍ଳକ a 1 ଗ୍ରେଡ ରେ ଥିବା ୫୮ ଜଣ ଙ୍କୁ ମାନପତ୍ର, ଗଛ ସହ ଆର୍ଥିକ ରାଶି ଦେଇ ସମ୍ବର୍ଦ୍ଧିତ କରିଥିଲେ। ପରେ ପରେ ବିଜୁ ଜନତା ଦଳର ୨୫ ତମ ବର୍ଷ ପୂର୍ତ୍ତି ଉପଲକ୍ଷେ ବିଜୁ ଯୁବ ଛାତ୍ର ଜନତା ଦଳ ତରଫରୁ ଆୟୋଜିତ ଏକ ବୃକ୍ଷ ରୋପଣ କାର୍ଯ୍ୟ କର୍ମ ରେ ବିଧାୟକ ବିଷ୍ଣୁ ବ୍ରତ ରାଉତ ରାୟ ଯୋଗ ଦେଇ ସ୍ଥାନୀୟ ଅଟଳ ବିହାରୀ ଉଚ୍ଚ ବିଦ୍ୟାଳୟ ପରିସର ରେ ବୃକ୍ଷ ରୋପଣ କରିଥିଲେ। ତାଙ୍କ ସହ ପଞ୍ଚାୟତ ସମିତି ଅଧ୍ୟକ୍ଷ ନଗେନ୍ଦ୍ର ବିଶ୍ଵାଳ, ପୌର ଅଧ୍ୟକ୍ଷା ନିବେଦିତା ବେହେରା, ଯୁବ ବିଜେଡ଼ି ବ୍ଲକ୍ ସଭାପତି ଜଗବନ୍ଧୁ ଖିଲାର, ବ୍ଲକ ଛାତ୍ର ବିଜେଡ଼ି ସଭାପତି କାଳନ୍ଦୀ ସାହୁ, ସୌଭାଗ୍ୟ ବିଶ୍ଵାଳ, ନଗର ସଭାପତି ଶ୍ୟାମ ସୁନ୍ଦର ମହାନ୍ତି, ବ୍ଲକ୍ ସଭାପତି ଦିନ ବନ୍ଧୁ ଦାସ,ଯୁବ ନଗର ସଭାପତି ମାନସ ରଞ୍ଜନ ସାହୁ , ସମ୍ବିତ ମହାନ୍ତି ଙ୍କ ସହ ଅନ୍ୟ ବିଜେଡ଼ି କର୍ମୀ ଉପସ୍ଥିତ ଥିଲେ।
