ଭୁବନେଶ୍ଵର: ଭୁୁବନେଶ୍ୱର ମହାନଗର ନିଗମ ପୌର ନିର୍ବାଚନର ବିଜେଡ଼ି ପ୍ରାର୍ଥୀ, ସୁଲୋଚନା ଦାସ ଆଜି ପ୍ରଭାତ ୬୪ ନମ୍ବର ୱାର୍ଡରେ ଶୋଭାଯାତ୍ରା କରି ଆଜି ବହୁ ସାଧାରଣ ଲୋକଙ୍କୁ ଭେଟିଛନ୍ତି ଓ ଆସନ୍ତା ନିର୍ବାଚନରେ ବିଜେଡିକୁ ଜନତାଙ୍କର ପୂର୍ଣ୍ଣ ସମର୍ଥନ ମିଳିବ ବୋଲି ପ୍ରତିଶ୍ରୁତି ମଧ୍ୟ ମିଳିଛି । ଯାହାକି ଶ୍ରୀମତୀ ଦାସଙ୍କୁ ନିର୍ବାଚନ ବୈତରଣୀ ପାର ହେବାରେ ବହୁ ମାତ୍ରାରେ ସହାୟକ ହେବ ବୋଲି ଆଶା କରାଯାଉଛି। ସେହିଭଳି ୬୩ ନମ୍ବର ୱାର୍ଡ ଅଞ୍ଚଳରେ ଶୋଭାଯାତ୍ରାରେ ଯାଉଥିବା ସମୟରେ ସ୍ଥାନୀୟ ଜନସାଧାରଣ ବହୁ ସଂଖ୍ୟାରେ ସାମିଲ ହୋଇଥିଲେ । ଜନତାଙ୍କ ଏଭଳି ସମର୍ଥନ ଶ୍ରୀମତୀ ଦାସଙ୍କ ଆତ୍ମବିସ୍ୱାସ ବଢାଇଛି । ୬୨ ନମ୍ବର ୱାର୍ଡର କାର୍ଗିଲ ବସ୍ତିଠାରୁ ପ୍ରଚାର ଶୋଭାଯାତ୍ରା କରିଥିଲେ, ବୁଦ୍ଧିଜୀବି, ବ୍ୟବସାୟୀ ଓ ଶ୍ରମିକ ବର୍ଗର ବହୁ ସଂଖ୍ୟକ ଜନତା ସଦିଚ୍ଛା ଓ ସହଯୋଗ ପ୍ରଦର୍ଶନ କରିଥିଲେ । "୬୬ ନମ୍ବର ୱାର୍ଡ ଭ୍ରମଣ କରି ପ୍ରଚାର କରିବା ସମୟରେ ଲୋକଙ୍କ ସ୍ନେହ, ପ୍ରେମ ଓ ଭଲପାଇବା ମୋର ମନୋବଳ ବଢ଼ାଇଛି । ପ୍ରଭାତରୁ ମଧ୍ୟାନ୍ନ ଭିତରେ ବିଭିନ୍ନ ଅଞ୍ଚଳରେ ଶୋଭାଯାତ୍ରା କରି ସାଧାରଣ ଲୋକଙ୍କ ଅକୁଣ୍ଠ ସମର୍ଥନ ମୋର ବିଜୟ ରାସ୍ତାକୁ ଅଧିକ ସହଜ ଓ ସରଳ କରିଛି" ବୋଲି ଦୃଢୋକ୍ତି ବାଢ଼ିଛନ୍ତି ସୁଲୋଚନା |