ବଡ଼ଚଣା ରୁ ପ୍ରଫୁଲ୍ଲ କୁମାର ସାହୁ: ୨୦୨୧-୨୨ ଶିକ୍ଷା ବର୍ଷା ରେ ଦଶମ ଶ୍ରେଣୀ ଶତ ପ୍ରତିଶତ ରେଜଲ୍ଟ ପାଇଁ ଭଗବତୀ ଉଚ୍ଚ ବିଦ୍ୟାଳୟ ଜୟପୁରକୁ ମିଳିଛି ଶ୍ରେଷ୍ଠ ବିଦ୍ୟାଳୟ ସମ୍ମାନ | ପ୍ରଧାନ ଶିକ୍ଷକ ଶ୍ରୀଯୁକ୍ତ ଦେବେନ୍ଦ୍ର ନାଥ ସାହୁ ଓ କିଛି ବୁଦ୍ଧିଜୀବୀଙ୍କ ଅକ୍ଲାନ୍ତ ପରିଶ୍ରମରେ ବିଗତ ଦିନରେ ଗଢି ଉଠି ଥିଲା ଏହି ଶିକ୍ଷା ଅନୁଷ୍ଠାନ | ପୂର୍ଣ୍ଣ ଅନୁଦାନ ପ୍ରାପ୍ତ ହୋଇଥିଲେ ମଧ୍ୟ ଏଇ ଶିକ୍ଷା ଅନୁଷ୍ଠାନ ମେଧାବୀ ଛାତ୍ର ସୃଷ୍ଟି କରିଛି ଓ ବିଭିନ୍ନ କ୍ଷେତ୍ରରେ ଉକ୍ତ ଛାତ୍ର ମାନେ ନିଜର ସୁତନ୍ତ୍ର ପରିଚୟ ତିଆରି କରିପାରିଛନ୍ତି ବୋଲି ମତଦିଅନ୍ତି ପୁରାତନ୍ ଛାତ୍ର ପ୍ରମୋଦ କୁମାର ବିଶ୍ୱାଳ | ଏବେ ପ୍ରଧାନ ଶିକ୍ଷକ ଭାବେ ଶ୍ରୀଯୁକ୍ତ ରମେଶ ଚନ୍ଦ୍ର ସାହୁ ଦାୟିତ୍ୱରେ ଥିବା ବେଳେ ସହକାରୀ ଶିକ୍ଷକ ଭାବେ କେଶବ ଚନ୍ଦ୍ର ସାହୁ, ଶରତ ଚନ୍ଦ୍ର ନାୟକ, ମଦନ ମୋହନ ସେଠ ଦାୟିତ୍ୱରେ ଅଛନ୍ତି | ଏଠାରେ ଉତ୍ତମ ଶିକ୍ଷା ଓ ଶୃଙ୍ଖଳିତ ଛାତ୍ର ଗଠନ ଉତ୍ତମ ପରିବେଶ ସୃଷ୍ଟି କରି ନିଜର ସ୍ୱତନ୍ତ୍ର ସ୍ଥାନ ଅଧିକାର କରିଥିବା ସହ ଆଗାମୀ ଦିନରେ ବହୁ ସମ୍ମାନ ଆଣିବ ବୋଲି ସାଧାରଣ ରେ ଆଲୋଚନା ହେଉଛି |
