ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ପ୍ରଗତି ମହିଳା ସଙ୍ଗଠନ ଆନୁକୁଲ୍ୟରେ ମକର ଉତ୍ସବ ପାଳନ ଭର୍ଚୁଆଲରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ଉତ୍କଳୀୟ ନାରୀଙ୍କ ଭୂମିକା ଶୀର୍ଷକ ଆଲୋଚା ଚକ୍ର ଅନୁଷ୍ଠିତ ହୋଇଥିଲା । ପ୍ରଗତି ମହିଳା ଅନୁଷ୍ଠାନର ସମ୍ପାଦିକା ତନୁଜା ଶତପଥିଙ୍କ ଅଧ୍ୟକ୍ଷତାରେ ଏହି ଆଭାଷୀ ଆଲୋଚନାରେ ଆଧୁନିକତା ଗ୍ରହଣ କରିଥିଲେ ସୁଦ୍ଧା ପରମ୍ପରା ଓ ସଂସ୍କୃତିକୁ ଆପଣେଇ ବସୁଦେବ କୁଟୁମ୍ବ କମ୍ ନିତି ଓ ଆଦର୍ଶକୁ ଉଚ୍ଚାରଣରେ ନୁହେଁ ଆଚରଣରେ ପରିଣତ କରିବା ଦରକାର ବୋଲି ଅଂଶଗ୍ରହଣ କାରୀ ମାନେ କହିଥିଲେ।
ଏହି ଗଣ ପର୍ବ ଜାତି, ଧର୍ମ , କର୍ମ, ଧନୀ , ଗରିବ , ଲିଙ୍ଗ ନିର୍ବିଶେଷରେ ଆମେ ଏକ ଅଭିନ୍ନ ଆମର ମାନବିକତା ଓ ନୋଇତିକତା କୁ ସଦାସର୍ବଦା ସବୁ କର୍ମରେ ଲଗାଇ ନାରୀ ସମାଜକୁ ବିକାଶ ପଥରେ ନେବା ଜରୁରୀ ବୋଲି ବକ୍ତା ମାନେ ସ୍ବୀକାର କରିଥିଲେ। ସ୍ବତନ୍ତ୍ର ଅତିଥି ଭାବେ ଭାବଚନ୍ଦ୍ରିକା ଦେବୀ (ଜୟପୁର), ଗୀତିଶ୍ମିତା ସାହୁ (ସୋରଡ଼ା) ଯୋଗଦାନ କରିଥିଲେ।
ମମତା ପାଢ଼ୀ , ମୋହିନୀ ପ୍ରଧାନ , ନିବେଦିତା ପଟ୍ଟନାୟକ ଯୋଗ ଦେଇଥିବାବେଳେ ସାହିତ୍ୟ ଏକାଡେମୀ ସଦସ୍ୟ ବିଚିତ୍ରାନନ୍ଦ ବେବର୍ତ୍ତା ମୁଖ୍ୟ ଅତିଥି ଏବଂ ଡାକ୍ତର ମୁର୍ମୁ ମୁଖ୍ୟ ବକ୍ତାଭାବେ ଯୋଗ ଦାନ କରିଥିଲେ। ଶେଷରେ ମମତା ପାଢ଼ୀ ଧନ୍ୟବାଦ ଅର୍ପଣ କରିଥିଲେ।