ଭୁବନେଶ୍ୱର(ଶାସକ ପ୍ରଶାସକ) : ଚାରିଜଣ କର୍ମଚାରୀ କୋଭିଡି ପଜିଟିଭ ଚିହ୍ନଟ ହେବା ପରେ ଭୁବନେଶ୍ୱର ମ୍ୟୁନିସିପାଲ କର୍ପୋରେସନ୍ (ବିଏମସି) ଜାନୁୟାରୀ 4 ରୁ ଜାନୁୟାରୀ 5 ତାରିଖ ପର୍ଯ୍ୟନ୍ତ ବାଣୀବିହାର ନିକଟସ୍ଥ ଡିସିପି କାର୍ଯ୍ୟାଳୟକୁ ସିଲ୍ କରିଛନ୍ତି ବୋଲି ଜୋନାଲ ଡେପୁଟି କମିଶନର (ଦକ୍ଷିଣ ପୂର୍ବ) ମହେନ୍ଦ୍ର କୁମାର ବଢ଼େଇ ସୂଚନା ଦେଇଛନ୍ତି।
ଖବର ଅନୁଯାୟୀ, ଆରଟି- ପିସିଆର ପରୀକ୍ଷା ପାଇଁ 20 ଜଣ ଅଧିକାରୀ/କର୍ମଚାରୀଙ୍କ ନମୁନା ପଠାଯାଇଥିଲା ଯେଉଁଥିରେ ଚାରିଜଣଙ୍କର କୋଭିଡି ପଜିଟିଭ ଚିହ୍ନଟ ହୋଇଛି | ଚିହ୍ନଟ ହୋଇଥିବା ପଜିଟିଭ କର୍ମଚାରୀ/ଅଧିକାରୀମାନଙ୍କୁ ନିଜ ନିଜ ବାସସ୍ଥାନରେ ସଙ୍ଗରୋଧରେ ରହିବାକୁ ନିର୍ଦ୍ଦେଶ ଦିଆଯାଇଛି। କୌଣସି ସ୍ୱାସ୍ଥ୍ୟଗତ ସହଯୋଗ ପାଇଁ ଡିସିପି କାର୍ଯ୍ୟାଳୟ କର୍ତ୍ତୃପକ୍ଷ ବିଏମସି ସହିତ ଯୋଗାଯୋଗରେ ରହିବାକୁ କୁହାଯାଇଛି ବୋଲି ଶ୍ରୀ ବଢ଼େଇ ସୂଚନା ଦେଇଛନ୍ତି |