ଭୁବନେଶ୍ୱର: ବର୍ତ୍ତମାନ ରାଉରକେଲାର ଅତିରିକ୍ତ ଜିଲ୍ଲାପାଳ ତଥା ରାଉରକେଲା ମହାନଗର ନିଗମର କମିଶନର ଭାବେ କାର୍ଯ୍ୟରତ ୨୦୧୫ ବ୍ୟାଚ୍ ଆଇଏଏସ ଦିବ୍ୟଜ୍ୟୋତି ପରିଡ଼ାଙ୍କୁ ଜିଲ୍ଲାପାଳ ଭାବେ ମିଳିଛି ପ୍ରଥମ ନିଯୁକ୍ତି | ରାଜ୍ୟ ସରକାର ତାଙ୍କୁ ସମ୍ବଲପୁର ଜିଲ୍ଲାର ଜିଲ୍ଲାପାଳ ଭାବେ ଆଜି ନିଯୁକ୍ତ କରିଛନ୍ତି | ସେଠାରେ ଜିଲ୍ଲାପାଳ ଥିବା ଥିବା ଶୁଭମ୍ ସାକ୍ସେନାଙ୍କୁ କୃଷି ଓ କୃଷକ ସଶକ୍ତିକରଣ ବିଭାଗର ଯୁଗ୍ମ ସଚିବ ଭାବେ ଅବସ୍ଥାପିତ କରାଯାଇଛି | ବାଲିଗୁଡ଼ା ସବ୍ କଲେକ୍ଟର ଭାବେ କାର୍ଯ୍ୟରତ ୨୦୧୭ ବ୍ୟାଚ୍ ଅଧିକାରୀ ଡା. ଶୁଭଙ୍କର ମହାପାତ୍ରଙ୍କୁ ରାଉରକେଲା ମହାନଗର ନିଗମର କମିଶନର ଭାବେ ନିଯୁକ୍ତି ଦିଆଯାଇଛି ।