ବରଗଡ :- ବରଗଡ ଜିଲ୍ଲା ବର୍ତ୍ତମାନ ମୁଖ୍ୟମନ୍ତ୍ରୀଙ୍କର ଗସ୍ତ କୁ ନେଇ ଚଳଚଞ୍ଚଳ ହୋଇ ଉଠିଛି । ଆସନ୍ତା ତେର ତାରିଖରେ ମୁଖ୍ୟମନ୍ତ୍ରୀ ଙ୍କର ବରଗଡ଼ ଗସ୍ତ , ଏଥିପାଇଁ ସମସ୍ତ ପ୍ରକାର ପ୍ରସ୍ତୁତି ଚାଲିଛି । ଏହି ଗସ୍ତ ସମୟରେ ମୁଖ୍ୟମନ୍ତ୍ରୀ ଜିଲ୍ଲାରେ ସ୍ୱାସ୍ଥ୍ୟ କାର୍ଡ ବଣ୍ଟନର ଶୁଭାରମ୍ଭ କରିବା ସହିତ ଅନେକ ପ୍ରକଳ୍ପ ପାଇଁ ଅନୁଦାନ ଘୋଷଣା କରି ପାରନ୍ତି । ମୁଖ୍ୟମନ୍ତ୍ରୀ ଙ୍କର ଏହି କାର୍ଯ୍ୟକ୍ରମ ର ପ୍ରସ୍ତୁତି କୁ ଆଜି ମନ୍ତ୍ରୀ ଶ୍ରୀ ସୁଶାନ୍ତ ସିଂ ଅନୁଧ୍ୟାନ କରିଛନ୍ତି । ଅଧିକାରୀ ମାନଙ୍କର ସହିତ ଆଲୋଚନା କରିବା ସହିତ ସଭା ସ୍ଥାନକୁ ବୁଲି ଦେଖିଥିଲେ ମନ୍ତ୍ରୀ ଶ୍ରୀ ସିଂ । ମନ୍ତ୍ରୀ ଙ୍କର ସହିତ ବିଜୁ ଜନତା ଦଳର ଜିଲ୍ଲା ଉପସଭାପତି ଶ୍ରୀ ଜନାର୍ଦ୍ଦନ ପାଣିଗ୍ରାହୀ, ବିଜୁ ଯୁବ ଜନତା ଦଳର ଅଧ୍ୟକ୍ଷ ଶ୍ରୀ ପ୍ରଦ୍ୟୁମ୍ନ କୁମାର ତ୍ରିପାଠୀ , ଶ୍ରୀ ଟିକାୟତ ମହତ୍ତମ ପ୍ରମୁଖ ଉପସ୍ଥିତ ଥିଲେ ।