ଭୁବନେଶ୍ୱର (ଶାସକ ପ୍ରଶାସକ): ବିଶିଷ୍ଟ ସାରସ୍ୱତ ସାଧକ ପୂର୍ବତନ ମନ୍ତ୍ରୀ, ମାହାଙ୍ଗା ବିଧାୟକ ତଥା ବିଶିଷ୍ଠ ସାହିତ୍ୟିକ ସେକ ମତଲୁବ ଅଲ୍ଲି ଆଉ ନାହାନ୍ତି | ୭୮ ବୟସରେ ତାଙ୍କର ପରଲୋକ ହୋଇଯାଇଛି l କିମ୍ସ ମେଡିକାଲରେ ଚିକିତ୍ସିତ ହେଉଥିବା ବେଳେ ତାଙ୍କର ମୃତ୍ୟୁ ହୋଇଛି l ତାଙ୍କ ବିୟୋଗରେ ଓଡ଼ିଶାର ସାହିତ୍ୟ ଓ ରାଜନୈତିକ ଆକାଶରୁ ଏକ ଉଜ୍ଜ୍ୱଳ ଜ୍ୟୋତିଷ୍କ ସବୁଦିନ ପାଇଁ ନିର୍ବାପିତ ହୋଇଗଲା | ଏକ ତାଙ୍କ ବିୟୋଗରେ ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା,ପୂର୍ବତନ ବିଧାୟକ ବିକ୍ରମ କେଶରୀ ବର୍ମା, ପୁର୍ବତନ ବାଚସ୍ପତି ଶରତ କର,ପିସିସି ସଭପରି ନିରଞ୍ଜନ ପଟ୍ଟନାୟକ,ଯୁବ ବିଜେଡି ସଭାପତି ଶରତ ମହାପାତ୍ର, ଆଡଭୋକେଟ ଦୀପକ ମହାନ୍ତି, ପ୍ରମୁଖ ବହୁ ନେତା ମନ୍ତ୍ରୀ ସମବେଦନା ଜଣାଇଛନ୍ତି |
ପଞ୍ଚାୟତରାଜ, ପାନୀୟଜଳ, ଗୃହ ନିର୍ମାଣ, ନଗର ଉନ୍ନୟନ, ତଥା ଆଇନ ମନ୍ତ୍ରୀ ପ୍ରତାପ ଜେନା ତାଙ୍କ ଶୋକ ବାର୍ତ୍ତାରେ କହିଛନ୍ତି ଯେ "ସାରସ୍ୱତ ସାଧକ ତଥା ପୂର୍ବତନ ମନ୍ତ୍ରୀ ଶେଖ୍ ମତଲୁବ ଅଲ୍ଲୀଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ମାହାଙ୍ଗା ବିଧାୟକ ଭାବେ ନିଜ ଅଞ୍ଚଳର ଉନ୍ନତି ପାଇଁ କରିଯାଇଥିବା କାର୍ଯ୍ୟ ତାଙ୍କୁ ସର୍ବଦା ସ୍ମରଣୀୟ କରି ରଖିବ। ଏପରି ଦୁଃଖଦ ସମୟରେ ଶୋକସନ୍ତପ୍ତ ପରିବାରବର୍ଗଙ୍କୁ ମୋର ସମବେଦନା ଜଣାଇବା ସହ ତାଙ୍କ ଅମର ଆତ୍ମାର ସଦଗତି କାମନା କରୁଛି।"
