ଆଲୁମିନା ଉତ୍ପାଦନ କ୍ଷମତାର ୧୦୦ ପ୍ରତିଶତ ଉପଯୋଗ, ୧୧୦୦ କୋଟି ଟଙ୍କାର କ୍ୟାପେକ୍ସ ଏବଂ ଉଚ୍ଚତର ଉତ୍ପାଦନ ଓ ଉତ୍ପାଦକତା ପାଇଁ ଲକ୍ଷ୍ୟଧାର୍ଯ୍ୟ
ନୂଆଦିଲ୍ଲୀ : ନବରତ୍ନ ଲୋକଉଦ୍ୟୋଗ ନ୍ୟାସନାଲ୍ ଆଲୁମିନିୟମ୍ କମ୍ପାନୀ ଲିମିଟେଡ୍ (ନାଲକୋ ) ପକ୍ଷରୁ ୨୦୧୮-୧୯ ଆର୍ଥିକ ବର୍ଷରେ ୯୩୫୦ କୋଟି ଟଙ୍କାର ରାଜସ୍ୱ ଅର୍ଜ୍ଜନ ପାଇଁ ଲକ୍ଷ୍ୟ ଧାର୍ଯ୍ୟ କରି କେନ୍ଦ୍ର ସରକାରଙ୍କ ଖଣି ମନ୍ତ୍ରାଳୟ ସହ ବୁଝାମଣାପତ୍ର ସ୍ୱାକ୍ଷରିତ ହୋଇଛି । ଏହି ଲକ୍ଷ୍ୟ, ଏ ଯାବତ୍ ସର୍ବାଧିକ ଏବଂ ଗତ ବର୍ଷ ତୁଳନାରେ ୧୫ ପ୍ରତିଶତ ଅଧିକ । ୧୪ ମଇ ୨୦୧୮ରେ ନୂଆଦିଲ୍ଲୀ ଠାରେ ଏହି ବୁଝାମଣାପତ୍ରଟି ଖଣି ମନ୍ତ୍ରାଳୟର ସଚିବ ଅନୀଲ ଗୋପୀଶଙ୍କର ମୁକିମ ଏବଂ ନାଲ୍କୋର ଅଧ୍ୟକ୍ଷ ଡଃ ତପନ କୁମାର ଚାନ୍ଦଙ୍କ ଦ୍ୱାରା ସ୍ୱକ୍ଷରିତ ହୋଇଥିଲା । ୨୦୧୭-୧୮ ଆର୍ଥିକ ବର୍ଷରେ ଉତ୍କୃଷ୍ଟ ପ୍ରଦର୍ଶନ ଏବଂ ଉଚ୍ଚ ମାନର କର୍ପୋରେଟ୍ ଗଭର୍ଣ୍ଣାନ୍ସ ନିମନ୍ତେ ଖଣି ସଚିବ ଶ୍ରୀ ମୁକିମ ନାଲ୍କୋ ପରିଚାଳନା ମଣ୍ଡଳୀକୁ ପ୍ରଶଂସା କରିବା ସହ ୨୦୧୮-୧୯ ପାଇଁ ଏହାର ବଳିଷ୍ଠ ବ୍ୟବସାୟିକ ଯୋଜନା ପାଇଁ ଶୁଭେଚ୍ଛା ପ୍ରକାଶ କରିଥିଲେ । ନୂତନ ଡି.ପି.ଇ. ନିର୍ଦ୍ଦେଶାବଳୀ ଆଧାରରେ ଉଭୟ ଅନ୍ତଃମନ୍ତ୍ରଣାଳୟ କମିଟି ଏବଂ ଖଣି ମନ୍ତ୍ରାଳୟ ସହ ଆଲୋଚନା ପରେ ଏହି ବୁଝାମଣାପତ୍ରଟି ପ୍ରସ୍ତୁତ ହୋଇଥିଲା ।
ଏହି ବୁଝାମଣାପତ୍ର ଅନୁସାରେ, କମ୍ପାନୀ ଚଳିତ ଆର୍ଥିକ ବର୍ଷରେ ୧୦୦ ପ୍ରତିଶତ କ୍ଷମତା ଉପଯୋଗ ସହ ୨.୧ ନିୁୟତ ଟନ୍ ଆଲୁମିନା ଏବଂ ୪.୧୫ ନିୟୁତ ଟନ୍ ଆଲୁମିନିୟମ୍ ଉତ୍ପାଦନ କରିବ ବୋଲି ଧାଯର୍ୟ କରାଯାଇଛି । ଉତ୍ପାଦନ କ୍ଷମତାରେ ଉନ୍ନତିର ଅଂଶ ଭାବେ ନେଟ୍ କାର୍ବନ୍ ଉପଯୋଗରେ ହ୍ରାସ ଆଣିବା ସହ ଆର୍ ଆଣ୍ଡ୍ ଡି ଉତ୍ପାଦଗୁଡ଼ିକର ବ୍ୟବସାୟୀକରଣ ପାଇଁ ମଧ୍ୟ ନାଲ୍କୋ ପଦକ୍ଷେପ ଗ୍ରହଣ କରିବ ବୋଲି ଏହି ବୁଝାମଣାପତ୍ରରେ ଉଲ୍ଲେଖ ହୋଇଛି ।
୨୦୧୮-୧୯ ପାଇଁ ନାଲକୋ ପକ୍ଷରୁ ୧୧୦୦ କୋଟି ଟଙ୍କାର କାପେକ୍ସ ଲକ୍ଷ ଧାର୍ଯ କରାଯାଇଛି । ଏଥିରେ ୧ ନିୟୁତ ଟନ୍ ରିଫାଇନେରୀ, ଉତ୍କଳ-ଡି ଓ ଉତ୍କଳ-ଇ କୋଇଲା ବ୍ଲକର ବିକାଶ, ପବନଚାଳିତ ବିଦୁତ ଉତ୍ପାଦନ ପ୍ରକଳ୍ପ, ବିଭିତ୍ତ ଯୌଥ ପ୍ରକଳ୍ପ ଏବଂ ଅନାନ ଆଧୁନିକୀକରଣ ପ୍ରକଳ୍ପ ଅ"ର୍ଭୁକ୍ତ । ଏଥି ସହିତ, ମାନବସମ୍ବଳ ବିକାଶ ଦିଗରେ କମ୍ପାନୀ ପକ୍ଷରୁ ଏକ କର୍ମ·ରୀମାନଙ୍କ ପିସିଏମ୍ଏମ୍ ଜରିଆରେ ଦକ୍ଷତା ଆକଳନ ଏବଂ ଅନଲାଇନ ହ୍ୟୁମାନ ରିସୋର୍ସ୍ ମ୍ୟାନେଜେମେଣ୍ଟ ବ୍ୟବସ୍ଥାର ପ୍ରର୍ବନ ଆଦି ମଧ୍ୟ ଅ"ର୍ଭୁକ୍ତ ହୋଇଛି । ଏହି ଯୋଜନା ଦ୍ୱାରା କମ୍ପାନୀର ମାନବସମ୍ବଳ ଅଧିକ ସମୃଦ୍ଧ ହେବା ସହ ନୂତନ ବ୍ୟବସାୟିକ ଯୋଜନା ପାଇଁ ଆବଶ୍ୟକୀୟ ଦକ୍ଷତା ଲାଭ କରିପାରିବେ ।
ଏହି ଅବସରରେ, ଖଣି ମନ୍ତ୍ରାଳୟର ଅତିରିକ୍ତ ସଚିବ ଡଃ କେ. ରାଜେଶ୍ୱର ରାଓ, ଯୁଗ୍ମ ସଚିବ ଅନୀଲ କୁମାର ଏବଂ ମନ୍ତ୍ରାଳୟ ଓ ନାଲକୋର ବରିଷ୍ଠ ଅଧିକାରୀବୃନ୍ଦ ଉପସ୍ଥିତ ଥିଲେ ।
