ନୂଆଦିଲ୍ଲୀ : ଆଜି ସକାଳ ଆଠଟା ସୁଦ୍ଧା ସାରାଦେଶରେ ମୋଟ ପଜିଟିଭଙ୍କ ସଂଖ୍ୟା ୩୩,୧୦,୨୩୫ ଚିହ୍ନଟ ହୋଇଥିବା ବେଳେ ଏ ଯାବତ ଦେଶରେ ୨୫,୨୩,୭୭୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି | ଦେଶରେ ଏଯାବତ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୭,୨୫,୯୯୧ ରହିଥିବା ବେଳେ ମୃତ୍ୟୁ ସଂଖ୍ୟା ୬୦,୪୭୨ ରେ ପହଂଚିଛି |
ଅପରପକ୍ଷରେ ଏଯାବତ ଦେଶରେ ୩,୮୫,୭୬,୫୧୦ ନମୁନା ଯାଞ୍ଚ ହୋଇଥିବା ବେଳେ କାଲି ଅର୍ଥାତ ଅଗଷ୍ଟ ୧୫ ତାରିଖରେ ୯,୨୪,୯୯୮ ନମୁନା ଯାଞ୍ଚ କରାଯାଇଛି | ଆଜି ସୁଦ୍ଧା ୧୧ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳରେ ଆକ୍ରାନ୍ତଙ୍କ ସଂଖ୍ୟା ୧ରୁ ୯୦୦୦ ମଧ୍ୟରେ ଥିବା ବେଳେ ସବୁଠାରୁ କମ ଆକ୍ରାନ୍ତ ଚିହ୍ନ ହୋଇଛନ୍ତି ମିଜୋରାମରୁ ୯୬୭ ଜଣ । ତା ଉପରକୁ ଅଛି ୧୪୮୬ ଜଣ ଚିହ୍ନଟ ହୋଇଛନ୍ତି ସିକିମରେ । ମିଜୋରାମରେ କେହି ପ୍ରାଣ ହରାଇନଥିବା ବେଳେ ଏହି ୧୧ଟି ରାଜ୍ୟ ମଧ୍ୟରୁ ୬ ଟି ରାଜ୍ୟରେ କରୋନା ମୃତ୍ୟୁ ରହିଛି ଏକ ଅଙ୍କରେ ।
ସେହିପରି ୧୨ ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳରେ କରୋନା ଆକ୍ରାନ୍ତଙ୍କ ସଂଖ୍ୟା ରହିଛି ୯୦୦୦ରୁ ୮୫୦୦୦ ମଧ୍ୟରେ । ଏହି ତାଲିକାର ସବାତଳେ ଅଛି ତ୍ରିପୁରା । ସେଠାରୁ ୯୯୦୮ ଜଣ ଚିହ୍ନଟ ହୋଇଥିବା ବେଳେ ୮୫ ଜଣ ପ୍ରାଣ ହରାଇଛନ୍ତି । ଏହି ୧୨ଟି ରାଜ୍ୟ ମଧ୍ୟରୁ ଦୁଇଟି ରାଜ୍ୟ ମଧ୍ୟପ୍ରଦେଶ ଓ ପଞ୍ଜାବରେ ମୃତ୍ୟୁ ସଂଖ୍ୟା ୪ ଅଙ୍କ ଅତିକ୍ରମ କଲାଣି ।
ଆଜି ସକାଳ ୮ ଟା ସୁଦ୍ଧା ଉପଲବ୍ଧ ତଥ୍ୟ ଆଧାରରେ ୮୫୦୦୦ରୁ ଅଧିକ ଆକ୍ରାନ୍ତ ଚିହ୍ନଟ ହୋଇଥିବା ତାଲିକାରେ ଅଛନ୍ତି ୧୨ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳରେ । ଏହି ତାଲିକାର ସବା ତଳେ ଅଛି ଓଡିଶା । ଏହି ତାଲିକାର ସବା ଉପରେ ରହିଛି ମହାରାଷ୍ଟ୍ର ମୋଟ ୭,୧୮,୭୧୧ କରୋନା ଆକ୍ରାନ୍ତ ଓ ୨୩୦୮୯ କରୋନା ମୃତ୍ୟୁ ସହ । ଦ୍ୱିତିୟ ସ୍ଥାନରେ ଅଛି ତାମିଲନାଡୁ ୩,୯.୨୬୧ ଆକ୍ରାନ୍ତ ଓ ୬୮୩୯ ମୃତ୍ୟୁ ସହ ।
