ପଦ୍ମପୁର : କରୋନା କଟକଣା ଯୋଗୁଁ ନୂଆଁଖାଇ ପର୍ବ ପାଳନରେ ପୂର୍ବବର୍ଷ ଅପେକ୍ଷା ଚଳିତ ବର୍ଷ ସେତେଟା ଉତ୍ସାହ ନଥିଲେ ମଧ୍ୟ ଅନଲାଇନ୍ ଜରିଆରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଉଛି ।  ଏହି ପରିପ୍ରେକ୍ଷିରେ “କୋଶଲ ଭାରତୀ ସାଂସ୍କୃତିକ ଅନୁଷ୍ଠାନ” ପକ୍ଷରୁ ସଂପାଦକ ଦିଲ୍ଲିପ କୁମାର ସରାପଙ୍କ ଉଦ୍ୟମକ୍ରମେ ଅଗଷ୍ଟ ୨୪ ସୋମବାର ଅନଲାଇନ ମାଧ୍ୟମରେ ନୂଆଁଖାଇ ଭେଟଘାଟ ଓ କବିତା ଆସର କାର୍ଯ୍ୟକ୍ରମ ଉତ୍ସାହର ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବିଭିନ୍ନ ଜିଲ୍ଲାର କବି ଗୁଗୁଲ ମିଟ ଆପ୍ ଜରିଆରେ ଯୋଗ ଦେଇଥିଲେ । ଫିରୋଜ କୁମାର ପଟେଲ କବିତା ସଂଯୋଜନା କରିଥିବା ବେଳେ ମାନସ କୁମାର ଷଡ଼ଙ୍ଗୀ କବିତାର ସମୀକ୍ଷା କରିଥିଲେ । ବିଶ୍ବ ବନ୍ଦିତା ପୁରୋହିତ ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ । କାର୍ଯ୍ୟକ୍ରମରେ ଲୋକେଶ୍ବର ପାଣ୍ଡେ, ଶିଶିର ପାଣିଗ୍ରାହୀ, ଅମିତ ରଣା, ବଲବନ୍ତ ସାହୁ, ପଦ୍ମନାଭ ମାଲି, ପ୍ରିୟଙ୍କା ପାଣ୍ଡେ, ରିଙ୍କୁ ମେହେର, ବିଶ୍ବ ବନ୍ଦିତା ପୁରୋହିତ, ସବ୍ୟସାଚୀ ବିଶୋୟୀ,  ବିବେକାନନ୍ଦ ପୁଟେଲ, ଟୁକୁ ପ୍ରିୟବ୍ରତ ପଣ୍ଡା,  ମାନସ, ଫିରୋଜ, ଦିଲ୍ଲିପ ପ୍ରଭୃତି କବି ଓ କବୟିତ୍ରୀ ଅଂଶଗ୍ରହଣ କରି ସ୍ବରଚିତ କବିତା ପାଠ କରିଥିଲେ । ଅନୁଷ୍ଠାନ ର ସଂପାଦକ ଦିଲ୍ଲିପ କୁମାର ସରାପ ଧନ୍ୟବାଦ ଅର୍ପଣ କରିଥିଲେ ।