ସମ୍ବଲପୁର(ରମାକାନ୍ତ ବିଶ୍ବାଳ ): ରେଙ୍ଗାଲି ସ୍ଥିତ ଶ୍ୟାମ ମେଟାଲିକ୍ସ ରୁ ଓଭରଲୋଡ଼ିଂ ବନ୍ଦ ଏବଂ ବର୍ଦ୍ଧିତ ଡିଜେଲ ଦର ରେ ଭଡା ସ୍ଥିର କରିବା ପାଇଁ ରେଙ୍ଗାଲି ଟ୍ରକ ମାଲିକ ମାନେ ଦାବୀ କରିଆସୁଛନ୍ତି l ମାତ୍ର, ଜ଼ିଲ୍ଲା ପ୍ରଶାସନ ଏଥି ପ୍ରତି ଦୃଷ୍ଟି ଦେଉ ନ ଥିବା ଅଭିଯୋଗ ହୋଇଛି l ଏନେଇ ମାଲିକ ମାନଙ୍କ ପକ୍ଷରୁ କମ୍ପାନୀ କର୍ତ୍ତୃପକ୍ଷଙ୍କୁ ଅନୁରୋଧ କରିବା ସହିତ ଜ଼ିଲ୍ଲାପାଳ ଙ୍କୁ ଗତ ୨୨ ଏବଂ ୨୯ ତାରିଖ ସୂଚନା ଦିଆଯାଇଥିଲା l ପ୍ରଥମେ ଗତ ୨୨ ତାରିଖ ଜ଼ିଲ୍ଲାପାଳ ଙ୍କୁ ଭେଟି ଦାବୀ କରିବା ପରେ ୩ ଦିନ ଭିତରେ ଏକ ତ୍ରିପାକ୍ଷିକ ବୈଠକ କରି ଏହାର ସମାଧାନ ପାଇଁ ଜ଼ିଲ୍ଲାପାଳ ଙ୍କ କାର୍ଯ୍ୟାଳୟ ରୁ ପ୍ରତିଶୃତି ଦିଆଯାଇଥିଲା l କିନ୍ତୁ ବୈଠକ ହେବା ନେଇ କୌଣସି ସୂଚନା ନ ମିଳିବା ରୁ ୨୯ ତାରିଖ କର୍ମକର୍ତ୍ତା ପୁଣି ଜ଼ିଲ୍ଲାପାଳ ଙ୍କୁ ସାକ୍ଷାତ କରି ଯଥା ଶୀଘ୍ର ଏହି ବୈଠକ କରିବାକୁ ଦାବୀ କରିଥିଲେ l ଗୁରୁବାର ଏହି ମର୍ମ ରେ ଟ୍ରକ ମାଲିକ ମାନେ ପୁଣି ଥରେ ଜ଼ିଲ୍ଲାପାଳଙ୍କ ଠାରେ ଏହି ଦାବୀ କରିଛନ୍ତି l ଅନ୍ୟଥା ଆଗାମୀ ଦିନରେ କମ୍ପାନୀ ଗେଟ ସମ୍ଭୁଖ ରେ କରୋନା କଟକଣା ସାମାଜିକ ଦୂରତ୍ୱ କୁୁ ଗୁରୁତ୍ୱ ଦେଇ ଧାରଣା ଦିଆଯିବ ବୋଲି ସେମାନେ ପତ୍ର ରେ ଉଲ୍ଲେଖ କରିଛନ୍ତି l ଟ୍ରକ ମାଲିକ ସ୍ୱାଗତ କୁମାର ନାୟକ, ପ୍ରତିମା ମେହେର, ଅର୍ଚନା ସାହୁ, ରୁଦ୍ର ପ୍ରତାପ ମେହେର, ଶେଖ ଆସିଫ, ସହଦେଵ ସାହୁ ପ୍ରମୁଖ ଦାବୀ କରିଛନ୍ତି l ଏହି ଦାବୀ ପତ୍ର ର ଗୋଟିଏ ଲେଖାଏଁ କପି ଉତ୍ତରାଞ୍ଚଳ ରାଜସ୍ୱ କମିଶନର, ସମ୍ବଲପୁର ଜ଼ିଲ୍ଲା ଆରକ୍ଷୀ ଅଧିକ୍ଷକ, ଆରଟିଓ, ରେଙ୍ଗାଲି ଥାନାଧିକାରୀ, କମ୍ପାନୀ କର୍ତ୍ତୃପକ୍ଷଙ୍କୁ ଦେଇଛନ୍ତି l
