ଆଜି ସୁନାବେଶ | ରାଜାରାଜେଶ୍ୱର ବେଶରେ ସଜେଇ ହେବେ କାଳିଆ ଠାକୁର | ନବଦିନ ଲୀଳା ଶେଷ କରି ଶ୍ରୀମନ୍ଦିର ଆଦରେ ରଥରେ ବିଜେ ହୋଇଥିବା କାଳିଆ ଠାକୁରଙ୍କର ଆଜି ହେବ ଦିବ୍ୟ ସୁନାବେଶ | ଭକ୍ତଶୂନ୍ୟ ଶୃଙ୍ଖଳିତ ଶ୍ରୀଗୁଣ୍ଡିଚା ଓ ବାହୁଡା ନୀତି ପରି ଆଜି ପ୍ରଭୁଙ୍କ ଦିବ୍ୟ ସୁନାବେଶ ପାଇଁ ହୋଇଛି ସବୁପ୍ରକାର ବନ୍ଦୋବସ୍ଥ | କୋଭିଡ ଆତଙ୍କ ପାଇଁ ସିଧା ବା ପ୍ରତ୍ୟକ୍ଷ ଦର୍ଶନ ନହେଲା ନାହିଁ , ଶ୍ରୀଜୀଉଙ୍କ ରାଜାରାଜେଶ୍ୱର ବେଶର ଘରେ ବସି ସୁଦୃଶ୍ୟ ଦର୍ଶନ ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ କରାଯାଇଛି ସିଧା ପ୍ରସାରଣ ବ୍ୟବସ୍ଥା |
ଆଜି ଅପରାହ୍ନ ସାଢେ ଚାରିଟା ପରଠାରୁ ଏହି ପ୍ରଶାସନ ଆରମ୍ଭ ହୋଇ ବିଳମ୍ବିତ ସନ୍ଧ୍ୟା ପର୍ଯ୍ୟନ୍ତ ଜାରି ରହିବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ | ଏଠି ପାଇଁ ସବୁ ପ୍ରକାର ଆୟୋଜନ ଶେଷ ହୋଇଥିବା ବେଳେ ଆଜି ସକାଳୁ ଶ୍ରୀମନ୍ଦିର ନିକଟ ଅଂଚଳକୁ ସାନିଟାଈଜ କରାଯାଇଛି |
