ସମ୍ବଲପୁର(ରମାକାନ୍ତ ବିଶ୍ବାଳ ): ପବିତ୍ର ବାହୁଡା ରଥଯାତ୍ରା ଅବସରରେ ପୁଣି ଥରେ ସମ୍ବଲପୁରୀ ସଂଗୀତ କ୍ଷେତ୍ରକୁ ଫେରିଛନ୍ତି ସଙ୍ଗୀତ ନିର୍ଦ୍ଦେଶକ - ସୁଶାନ୍ତ ବରାଇ । 2000 ମସିହାରୁ ସମ୍ବଲପୁରୀ ଭକ୍ତି ସଂଗୀତ କ୍ଷେତ୍ରରେ ନୂଆ ଏକ ଅଧ୍ୟାୟ ଯୋଡି ପାରିଥିବା ସୁଶାନ୍ତ ବରାଇ ମାଁ ଗୋ ମୋର ଇଷ୍ଟ ଦେବୀ ମାଁ, ଝୁଲି ଝୁଲି ଆସୁଛେ ମା, ବାନ୍ଧି ଗୁଡେ ପାଇଝଲ , ମତେ ତ ମହନି ଲାଗିଛେ ,ଆମେ ସମ୍ବଲପୁରୀଆ ଫୁଲରେ ଭଲି ଲୋକପ୍ରିୟ ଗୀତର ସଂଗୀତ ସ୍ୱର ବାନ୍ଧିଥିବା ସୁଶାନ୍ତ ବରାଇ ଦୀର୍ଘ ବର୍ଷ ହେଲା କେସେଟ ସଂଗୀତରୁ ଦୂରେଇ ରହିଥିଲେ | ଏବେ ଏସ୍ ବି ମ୍ୟୁଜିକର ୟୁଟିୟୁବ୍ ଚ୍ୟାନେଲ ମାଧ୍ୟମରେ ନୂଆ ସମ୍ବଲପୁରୀ ଗୀତ 'କହିଦେଲା ମୋର୍ କାନେ କାନେ ଜରିଆରେ ପୁଣି ଥରେ ସମ୍ବଲପୁରୀ ଗୀତର ସଂଗୀତ ଦେଇଛନ୍ତି । ନୂଆ ସମ୍ବଲପୁରୀ ଗୀତ 'କହିଦେଲା ମୋର୍ କାନେ କାନେ ସମଲେଇ ମନ୍ଦିର ସାମନାରେ ଆଜି ଲୋକାର୍ପିତ ହୋଇଯାଇଛି । ଏହି ଗୀତ ରେ
ସିନେ କଣ୍ଠଶିଳ୍ପୀ ଶ୍ରୀଜା ପଣ୍ଡା କଂଠଦାନ କରିଥିବା ବେଳେ ଯତୀନ୍ଦ୍ର ପ୍ରଧାନ ଗୀତ ରଚନା କରିଛନ୍ତି । ଏହି ଗୀତ ସିରିଜର ବିନ୍ଦୁଲତା ବରାଇ ପ୍ରଯୋଜକ ରହିଛନ୍ତି । ସମ୍ବଲପୁରୀ ଲୋକଗୀତ ଉପରେ ଆଧାରିତ ଏହି ଗିତର ଉନ୍ମୋଚନ ଅବସରରେ ପଶ୍ଚିମାଞ୍ଚଳ ଏକତା ମଂଚର ଆବାହକ ଭବାନୀଶଙ୍କର ଭୋଇ, ଦେବୀପ୍ରସାଦ ଭୋଇ,ସଂଗୀତକାର ତ୍ରିଲୋଚନ ତ୍ରିପାଠୀ, ବସନ୍ତ ମିଶ୍ର, ପ୍ରକାଶ ବରାଇ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ସୁଶାନ୍ତ ବରାଇ ପରିଚାଳନା କରିଥିଲେ ।
