• ଝିଅକୁ କମ୍ପାନୀରେ ଚାକିରୀ କରାଇ ଦେବା ନାଁରେ ଡାକି ନେଇଥିଲେ ପୁରୀ 

• ପୁରୀ ସୂର୍ୟ ଗାର୍ଡନ ହୋଟେଲରେ ରଖି କରିଥିଲେ ବଳ ପୂର୍ବକ ଦୁଷ୍କର୍ମ ଅଭିଯୋଗ

• ଥାନାରେ ଅଭିହୋଗ ପରେ ଅଭିଯୁକ୍ତ କାମୁକ ଶିକ୍ଷକ ଉଦଳାରୁ ଗିରଫ

• ରାଜନୈତିକ ଦଳରୁ ଉଭୟଙ୍କ ମଧ୍ୟରେ ଗଢି ଉଠିଥିଲା ଚିହ୍ନା ପରିଚୟ  

ବାରିପଦା(ଦିଲ୍ଲୀପ ମହାନ୍ତି )- ଉଦଳା ଅଞ୍ଚଳର ଜଣେ ଶିକ୍ଷକ ତାଙ୍କର ଏକ ବିବାହିତା ମହିଳାଙ୍କ ସହିତ ସୁସମ୍ପର୍କ ଗଢ଼ି ଉଠିଥିଲା । ଏହି ସମୟରେ ଉକ୍ତ ବିବାହିତା ମହିଳାଙ୍କ ଝିଅକୁ ଏକ କମ୍ପାନୀରେ ଚାକିରୀ କରାଇ ଦେବ ଏବଂ କମ୍ପାନୀର ମାଲିକ ପୁରୀ ଆସିଲେ ତାଙ୍କ ସହିତ ସାକ୍ଷାତ କରାଇ ଚାକିରୀ ଫାଇନାଲ କରାଇ ଦେବ ବୋଲି ପ୍ରତିଶ୍ରୁତି ଦେଇଥିଲା । ଏହାପରେ ଗତ ୨୦୧୯ ଡ଼ିସେମ୍ବର ୩୦ରେ କମ୍ପାନୀର ମାଲିକ ପୁରୀ ଆସୁଛନ୍ତି, ତେଣୁ ତାଙ୍କ ସହିତ ଦେଖା କରିବା ନିମନ୍ତେ ବିବାହିତ ମହିଳାଙ୍କୁ ସାଥୀରେ ଧରି ପୁରୀରେ ପହଁଞ୍ଚିଥିଲେ । ମାତ୍ର ମାଲିକ କୌଣସି କାର୍ଯ୍ୟରେ ଉକ୍ତ ଦିନ ଆସି ପାରିଲେ ନାହିଁ ଏବଂ ପରବର୍ତ୍ତି ଦିନ ଆସିବେ ବୋଲି କହି ପୁରୀ ସୂର୍ଯ୍ୟା ଗାର୍ଡନ ହୋଟେଲରେ ଏକ ରୁମରେ ରଖିଥିଲେ । ରାତିରେ ମହିଳାଙ୍କ ରୁମରେ ପହଁଞ୍ଚି ଅନ୍ୟ ରୁମ ମିଳିଲା ନାହିଁ, ତେଣୁ ତାଙ୍କର ରୁମରେ ରହିବେ ବୋଲି କହିବାରୁ ମହିଳା ଜଣଙ୍କ ତାଙ୍କ ପ୍ରସ୍ତାବରେ ରାଜି ହୋଇ ନ ଥିଲେ । ଏହାପରେ ଶିକ୍ଷକ ଜଣକ ମହିଳାଙ୍କ ଅନିଚ୍ଛା ସତ୍ୱେ ତାଙ୍କ ସହିତ ବଳପୂର୍ବକ ଦୁଷ୍କର୍ମ କରିଥିଲେ ଏବଂ ଏହା ବାହାରେ  ଅଥବା ପୁଲିସ ନିକଟରେ ପ୍ରକାଶ କଲେ ଜୀବନରୁ ମାରି ଦେବାର ଧମକ ଦେଇଥିଲେ । ପୁଣି ଦୁଷ୍କର୍ମ ସମୟର ଭିଡ଼ିଓ ରେକଡ଼ିଂ କରାଇଛି ଏବଂ ଏହାକୁ ଭାଇରାଲ କରିଦେବାର ଧମକ ଦେଇଥିଲେ । ଚାକିରୀ ନିମନ୍ତେ କେତେ ଲୋକ କେତେ ତ୍ୟାଗ କରୁଛନ୍ତି ବୋଲି କହିଥିଲେ । ମହିଳା ଜଣକ ଘରକୁ ଫେରି ଆସିବା ନିମନ୍ତେ ଚାହିଁ ଥିଲେ ମଧ୍ୟ ହୋଟେଲର ମାଲିକ ତାଙ୍କର ପରିଚିତ , ଏଠାରେ କୌଣସି ଲୋକ ନିକଟରୁ ସାହାଯ୍ୟ ମିଳିପାରିବ ନାହିଁ ବୋଲି ଧମକ ଦେଇଥିଲେ । ସେହିପରି ପରବର୍ତ୍ତି ଦିନ ମଧ୍ୟ ମହିଳାଙ୍କ ସହିତ ବଳପୂର୍ବକ ଦୁଷ୍କର୍ମ କରିଥିଲେ ଏବଂ କମ୍ପାନୀର ମାଲିକ ସହିତ ଫୋନରେ କଥା ହୋଇସାରିଛି । ତେଣୁ ଅପେକ୍ଷା କରିବାର ଆବଶ୍ୟକ ନାହିଁ । ଏଥର ଘରକୁ ଫେରିଯିବା କହି ମହିଳାଙ୍କ ଆଣି ଭୂବନେଶ୍ୱରରେ ବାରିପଦା ବସରେ ବସାଇ ଦେଇଥିଲେ । ଏହାପରେ ମଝିରେ ମଝିରେ ଘଟଣା ପ୍ରଘଟ କଲେ ଭିଡ଼ିଓ ଭାଇରାଲ କରାଇ ଦେବାର ଫୋନରେ ଧମକ ଦେଇ ଆସୁଥିଲେ । ଉକ୍ତ ଘଟଣାକୁ ନେଇ ମହିଳା ଜଣକ ମାନସିକ ସନ୍ତୁଳନ  ହରାଇ ବସିଥିଲେ । ଝିଅର ହାବଭାବରେ ପରିବର୍ତ୍ତନ ଦେଖି  ମା କାରଣ ଜାଣିବାକୁ ଚାହିଁବାରୁ ସମସ୍ତ କଥା ଖୋଲି ପ୍ରକାଶ କରି ଦେଇଥିଲେ ଏବଂ ମା ଙ୍କ ପରାମର୍ଶ କ୍ରମେ ବରିପଦା ଟାଉନ ଥାନାରେ ଲିଖିତ ଅଭିଯୋଗ କରିବାର ନିଷ୍ପତ୍ତି ନେଇଥିଲେ । ଏହି ସମୟରେ ଅଭିଯୁକ୍ତ ଶିକ୍ଷକ ଗତ ଜୁନ ୧୭ରେ ବାରିପଦା ସହରର ରଞ୍ଜନ ମିଶ୍ରଙ୍କୁ ପଠାଇଥିଲେ ଏଂ ରଞ୍ଜନ ମିଶ୍ର ମହିଳାଙ୍କ ବାପ ଘରେ ପହଁଞ୍ଚି ତାଙ୍କୁ ଥାନାରେ ଅଭିଯୋଗ ନ କରିବା ପାଇଁ ଉଭୟ ମା ଓ ଝିଅଙ୍କୁ ଧମକ ଦେଇଥିଲେ । ତେଣୁ ଭିଡ଼ିଓ ଭାଇରାଲ ହେଲେ ମହିଳାଙ୍କର ବିବାହିତ ଘର ସଂସାର ଉଜୁଡ଼ି ଯିବ । ପୁଣି ଘରେ ବିବାହ ବୟସର ଝିଅ ରହିଛି । ଶାଶୁ ଘର ଓ ବାପ ଘର ଉଭୟ ପରିବାରର ମାନ ସମ୍ମାନ ପଦାରେ ପଡ଼ିଯିବ । ତେଣୁ ମା ଙ୍କ ପରାମର୍ଶ କ୍ରମେ ମହିଳା ଜଣକ ବାରିପଦା ଟାଉନ ଥାନାରେ ପହଁଞ୍ଚି ଅଭିଯୁକ୍ତ ଶିକ୍ଷକଙ୍କ ନାମରେ ଲିଖିତ ଅଭିଯୋଗ କରିଥିଲେ ଏବଂ ଏହାକୁ ନେଇ ପୁଲିସ ପକ୍ଷରୁ  ଥାନାରେଆଇପିସି ଧାରା ୩୭୬(୨)(ଏନ)/ ୫୦୬ ଅନୁସାର  କେଶ ନଂ ୪୦୧/୨୦୨୦ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତ ଶିକ୍ଷକଙ୍କୁ ମୟୂରଭଞ୍ଜ ଜିଲ୍ଲା ଉଦଳା ଅଞ୍ଚଳରୁ ଗିରଫ କରାଯାଇଛି । ଅଭିଯୁକ୍ତ ଶିକ୍ଷକ ଉଦଳା ଥାନା ଅନ୍ତର୍ଗତ ଦୁଗୁଧା ଗ୍ରାମର   ଶଶୀଧର ଜେନାଙ୍କ ପୁଅ ସତ୍ୟେନ୍ଦୁ ଜେନା | ସେ ଏକ ରାଜନୈତିକ ଦଳର ଜଣେ ନେତା ମଧ୍ୟ | ବିବାହିତା ମହିଳାଙ୍କ ଶ୍ୱଶୁର ଘର ଖୋର୍ଦ୍ଧା ଜିଲ୍ଲା ଭବନେଶ୍ୱରର ଖଣ୍ଡଗିରି ଓ ବାପ ଘର ବାରିପଦା ପୌରପରିଷଦରେ ହୋଇଥିବାର ଜଣାପଡ଼ିଛି  | ୩୨ ବର୍ଷ ବୟସ୍କ ମହିଳା ଜଣକ ମଧ୍ୟ ସମ୍ପୃକ୍ତ ରାଜନୈତିକ ଦଳ ସହ ସମ୍ପୃକ୍ତ | ପ୍ରଧାନମନ୍ତ୍ରୀଙ୍କ ବାରିପଦା ଗସ୍ତ ବେଳଠୁ ଉଭୟଙ୍କ ଚିହ୍ନା  ପରିଚୟ ହୋଇଥିବା ବେଳେ ଉଭୟଙ୍କ ମଧ୍ୟରେ ଭଲ ସମ୍ପର୍କ ଥିଲା | ଆଉ ସେ ଭରସା ଆଧାରରେ ଝିଅର ଚାକିରୀ ପାଇଁ ମହିଳା ଜଣକ ଚାଲିଯାଇଥିଲେ ପୁରୀ |