ଭୁବନେଶ୍ୱର (ଶାସକ ପ୍ରଶାସକ) ମହାପ୍ରଭୁଙ୍କ ଶ୍ରୀ ଗୁଣ୍ଡିଚା ଯାତ୍ରା ଆଜି ଶୃଙ୍ଖଳାର ସହ ଠିକ ସମୟରେ ଶେଷ ହୋଇଥିବାରୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟନାୟକ ସମସ୍ତଙ୍କୁ ବିଶେଷକରି ସେବାୟତ, ପୁରୀ ଜିଲ୍ଲା ପଶାସନ, ଶ୍ରୀ ମନ୍ଦିର ପ୍ରଶାସନ, ସ୍ୱାସ୍ଥ୍ୟ ବିଭାଗ ଓ ପୁଲିସ ପ୍ରଶାସନକୁ ଧନ୍ୟବାଦ ଜଣାଇଛନ୍ତି । ଏହା ସହିତ ପୁରୀର ଜନସାଧାରଶକୁ ସେମାନଙ୍କ ସହଯୋଗ ପାଇଁ ମୁଖ୍ୟମନ୍ତ୍ରୀ ସାଧୁବାଦ ଜଣାଇଛନ୍ତି। ଯଦିଓ ଏଥର କରୋନା କଟକଣା ପାଇଁ ମୁଖ୍ୟମନ୍ତ୍ରୀ ପୁରୀ ଯାଇପାରିନଥିଲେ ମଧ୍ୟ ଲୋକସେଭା ଭବନ ଓ ନିଜ ବାସଭବନରେ କରିଛନ୍ତି ପ୍ରଭୁଙ୍କ ଦିବ୍ୟଲୀଳାର ସନ୍ଦର୍ଶନ |
ପ୍ରତିବର୍ଷ ରଥଯାତ୍ରା ଅବସରରେ ମୁଖ୍ୟମନ୍ତ୍ରୀଙ୍କ ଦ୍ୱାରା ଶ୍ରୀମନ୍ଦିର ସମ୍ମୁଖରେ ଲୋକାର୍ପିତ ହୋଇଥାଏ ଓଡିଶା ରିଭ୍ୟୁ ଓ ଉତ୍କଳ ପ୍ରସଙ୍ଗର ସ୍ୱତନ୍ତ୍ର ରଥ ସଂଖ୍ୟା । ହେଲେ ଏଥର କରୋନା କଟକଣା ପାଇଁ ତାହା ସମ୍ଭବ ହୋଇପାରିନି । ଆଜି ତାହାଲୋକାର୍ପିତ ହୋଇଛି ଲୋକ ସେବା ଭବନରେ । ସେପଟେ ବଡଦାଣ୍ଡରେ ରଥ ଗଡ଼ିଲା ବେଳକୁ ଏପଟେ ଲୋକସେବା ଭବନରେ ଲୋକାର୍ପିତ ହୋଇଥିଲା ଲୋକସେବା ଭବନରେ ମୁଖ୍ୟମନ୍ତ୍ରୀଙ୍କ ଦ୍ୱାରା । ଏ ଅବସରରେ ଉପସ୍ଥିତ ଥିଲେ ମୁଖ୍ୟମନ୍ତ୍ରୀଙ୍କ ସଚିବ ତଥା ୫ ଟି ସଚିବ ଭିକେ ପାଣ୍ଡିୟାନ ଓ ଓଡିଶା ରିଭ୍ୟୁ -ଉତ୍କଳ ପ୍ରସଙ୍ଗର ସମ୍ପାଦକ ଲେନିନ ମହାନ୍ତି |
