ସମ୍ବଲପୁର/କୁଚିଣ୍ଡା,(ରମାକାନ୍ତ ବିଶ୍ବାଳ ):  ଆାଦିବାସୀ ସୋସିଆଲ୍ ଓ କଲଚରାଲ ସୋସାଇଟି ଏବଂ କୁଚିଣ୍ଡା ସମ୍ବାଦ ସାହିତ୍ୟ ଘର ମିଳିତ ଆନୁକୁଲ୍ୟରେ ଆାଦିବାସୀ ଭବନ ସଭାଗୃହ ଠାରେ କରୋନା ମହାମାରୀ ଓ ଜୀବନ ଜିବିକା ଶୀର୍ଷକ ଏକ କବିତା ଆସର ଅନୁଷ୍ଠିତ ହୋଇଯାଇଛି l ପୂର୍ବତନ ବିଧାୟକ ବୃନ୍ଦାବନ ମାଝୀ ଙ୍କ ପୌରହିତ୍ୟରେ ପ୍ରଥମେ ଚୀନ୍ ସହ ଲଢ଼ି ସହିଦ୍ ହୋଇଥିବା ଅମର ଯବାନ୍ ଙ୍କୁ ଶ୍ରଦ୍ଧାଞ୍ଜଳି ଓ ତାଙ୍କ ଆତ୍ମା ର ସଦ୍ ଗତି ପାଇଁ ନୀରବ ପ୍ରାର୍ଥନା କରାଯାଇଥିଲା l ଅନୁଷ୍ଠାନ ର  ସହ ଅଧକ୍ଷ୍ୟ ସୁବାସ ଚନ୍ଦ୍ର ନାୟକ ଙ୍କ ସଭାପତିତ୍ଵ ଓ ଅଧ୍ୟାପକ ରୁଦ୍ରନାରାୟଣ ମିଶ୍ର ଙ୍କ ସଂଯୋଜନାରେ କୁଚିଣ୍ଡା ଉପଖଣ୍ଡ ଅଞ୍ଚଳର ୫0 ରୁ ଉର୍ଦ୍ଧ କବି ଓ କବୟତ୍ରୀ ଯୋଗଦେଇ ସ୍ୱରଚିତ କବିତା ପାଠ କରିଥିଲେ l 

ଏହି କାର୍ଯ୍ୟକ୍ରମରେ କବି ସୁବାସ ଚନ୍ଦ୍ର ନାୟକ, ଡାକ୍ତର ସତ୍ୟପ୍ରକାଶ ଦୋରା ଓ ଜ୍ୟୋତ୍ସ୍ନା ମୟୀ ଦୋରା ଙ୍କୁ କୋଭିଡ ଯୋଦ୍ଧା ଭାବେ ମାନପତ୍ର ଓ ଉପଢ଼ୌକନ ଦେଇ  ସମ୍ମାନିତ କରାଯାଇଥିଲା l ସଂସ୍ଥା ର ସଂଯୋଜକ ରଶ୍ମିକାନ୍ତ ସାମଲ ଓ ରମେଶ ପଧlନ ପରିଚାଳନା ଓ ସହଯୋଗ କରିଥିଲେ l