ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ବାନରେ ଓଡ଼ିଶା ସମେତ ଦେଶବିଦେଶରେ ଗାନ କରାଯାଇଥିଲା ଉତ୍କଳ ସଂଗୀତ "ବନ୍ଦେ ଉତ୍କଳ ଜନନୀ"ର ସଫଳତା ପାଇଁ ଓଡ଼ିଶାର ଭାଷାଭିତ୍ତିକ ଅନୁଷ୍ଠାନ ପକ୍ଷରୁ ସଭାପତି ଡକ୍ଟର ମୁରଲୀ ମନୋହର ଶର୍ମା , ସମ୍ପାଦକ ବିଭୁପ୍ରସାଦ ନାୟକ ( ଧର୍ମଛଡା) ଏବଂ କାର୍ଯ୍ୟାଳୟ ସମ୍ପାଦକ ସୌମ୍ୟ ଶଂକର ରାଜ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି | ଏହାସହିତ "ବନ୍ଦେ ଉତ୍କଳ ଜନନୀ" ସଂଗୀତକୁ ସରକାରୀ ସ୍ବୀକୃତି ଦେବା ଏବଂ ଏହି ସଂଗୀତକୁ "ଉତ୍କଳ ସଂଗୀତ" ନାମରେ ନାମିତ କରିବା ସହିତ ବିଦ୍ୟାଳୟରେ ଏହି ସଂଗୀତକୁ ପ୍ରାର୍ଥନା ସଭାରେ ନିୟମିତ ଗାୟନ କରିବାପାଇଁ ନିର୍ଦ୍ଦେଶ ଦେବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି ।
