ବାରିପଦା(ଦିଲ୍ଲୀପ ମହାନ୍ତି )- ସାପ କାମୁଡ଼ାରେ ଦୁଇ ଭଉଣୀ ତଥା ଦୁଇ ଛାତ୍ରୀଙ୍କର ମୃତ୍ୟୁ ହୋଇଛି । ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା କୁଳିଅଣା ଥାନା ତଥା ଶାମାଖୁଣ୍ଟା ବ୍ଲକ ଖାଣ୍ଡିଆ ପଂଚାୟତର ବଡ଼ଦନାମରା ଗ୍ରାମରେ। ପ୍ରାପ୍ତ ସୂଚନା ଅନୁଯାୟୀ ସେହି ଥାନା ଅଧିନ ଆଦିତ୍ୟ ନାୟକ ଓ ତାଙ୍କ  ସମ୍ପର୍କୀୟ  ଶଢ଼ୁ  ଶ୍ବଶୁର ଘରକୁ ସପରିବାର ବୁଲିବାକୁ ଯାଇଥିଲେ । ରାତିରେ ସେମାନଙ୍କର ୧୧ ବର୍ଷିୟା  ନାନୀତ ଓ ୧୨ ବର୍ଷିୟା ରୋଜି ରାତିରେ ଶୋଇଥିବା ସମୟରେ ଏକ ଚିତି ସାପ ଦୁହିଁଙ୍କୁ ଦଂଶନ କରିଥିଲା । ପ୍ରଥମେ ଦୁଇ ଗୁରୁତରଙ୍କୁ ରଙ୍ଗମାଟିଆ ସ୍ୱାସ୍ଥ କେନ୍ଦ୍ର ଓ ପରେ ବାରିପଦା ସ୍ଥିତ ପିଆରଏମ ମେଡିକାଲରେ ଭର୍ତ୍ତି କରାଯାଇଥିଲା ଓ ଚିକିତ୍ସିତ ଅବସ୍ଥାରେ ଦୁଇ ଭଉଣୀଙ୍କ ମୃତୁ ହୋଇଯାଇଥିଲା।ଏହାକୁ ନେଇ ପରିବାର ଲୋକଙ୍କ ମଧ୍ୟରେ ଶୋକର ଛାୟା ଖେଳି ଯାଇଛି।