କୌଣସି ଗାଁ ବା ପଂଚାୟତରେ ଜାରି କରାଯିବନି କଣ୍ଟେନମେଣ୍ଟ କଟକଣା
ଟ୍ରେନରେ ଆସି ଜିଲ୍ଲାରେ ଓଲ୍ହାଇଲେଣି ୯୦୦ରୁ ଉର୍ଦ୍ଧ ଲୋକ
ଭଦ୍ରକ (ଶାସକ ପ୍ରଶାସକ) : ଆଜି ଜିଲ୍ଲାରେ ନୂଆ ୯ ଟି କରୋନା ପଜିଟିଭ ଚିହ୍ନଟ ହେବାପରେ ସେ ବିଷୟରେ ସବିଶେଷ ସୂଚନ ଦେଇଛନ୍ତି ଭଦ୍ରକ ଜିଲ୍ଲାପାଳ ଶ୍ରୀ ଜ୍ଞାନ ଦାସ | ଶ୍ରୀ ଦାସ କହିଛନ୍ତି ଯେ, ଜିଲ୍ଲାରେ ପୂର୍ବରୁ ୩୧ ଟି ବାହାରିଥିଲା | ଆଜି ବାହାରିଛି ୯ଟି | ଏମାନେ ସମସ୍ତେ ପଶ୍ଚିମବଙ୍ଗ, ସୁରଟ ଓ କର୍ଣ୍ଣାଟକରୁ ଆସିଛନ୍ତି | ସେମାନେ ଭଦ୍ରକ, ବାସୁଦେବପୁର, ବନ୍ତ ଓ ଭଣ୍ଡାରୀପୋଖରୀ ବ୍ଲକର କ୍ଵାରାଣ୍ଟାଇନ ସେଂଟରରୁ ବା ଟେମ୍ପରାରି ମେଡିକାଲ ସେଣ୍ଟର (ଟିଏମସି)ରେ ଅବସ୍ଥାନ କରୁଥିବା ବେଳେ ସେମାନଙ୍କ ପଜିଟିଭ ଚିହ୍ନଟ ହୋଇଛି | ଯେଉଁମାନଙ୍କ ଭିତରେ କିଛି ଲକ୍ଷଣ ଦେଖାଯାଇଥିଲା ସେମାନଙ୍କ ସାମ୍ପଲ ଟେଷ୍ଟ କରିବାକୁ ଆମେ ପଠାଇଥିଲୁ | ତେଣୁ ଆଜି ଯେଉଁ ଯେଉଁ ଟିଏମସିରୁ ଏଜି ପଜିଟିଭ ଚିହ୍ନଟ ହୋଇଛନ୍ତି କେବଳ ସେହି ଟିଏମସି ଗୁଡିକୁ କଣ୍ଟନମେଣ୍ଟ ଜୋନ ଭାବେ ଘୋଷଣା କରିଛୁ | କୌଣସି ଗାଁ ବା ପଂଚାୟତକୁ କଣ୍ଟନମେଣ୍ଟ ଜୋନ କରାଯିବନି | ରାଜ୍ୟ ସରକାରଙ୍କ ପ୍ରଟୋକଲ ଅନୁଯାୟି ପରୀକ୍ଷା ହେଉଛି | ଯେଉଁମାନଙ୍କ ଭିତରେ ଆମେ ପ୍ରାଥମିକ ଲକ୍ଷଣ ଦେଖୁଛୁ, ସେମାନଙ୍କ ଆମେ ସାମ୍ପଲ ସଂଗ୍ରହ କରି ପରୀକ୍ଷା ପାଇଁ ପଠାଉଛୁ ବୋଲି କହିଛନ୍ତି ଜିଲ୍ଲାପାଳ |
ଜିଲ୍ଲାକୁ ବିଭିନ୍ନ ଟ୍ରେନରେ ଆସୁଥିବା ଓଡି଼ଆଙ୍କ ସମ୍ପର୍କିତ ଏକ ପ୍ରଶ୍ନର ଉତ୍ତରରେ ଜିଲ୍ଲାପାଳ କହିଥିଲେ ଯେ , ଏଯାବତ ଭଦ୍ରକକୁ ୩ଟି ଟ୍ରେନ ଆସିଛି | ଆଉ ଆଜି ତିନୋଟି ଆସିବା | ପ୍ରାୟ ୯୫୦ ପର୍ଯ୍ୟନ୍ତ ଲୋକ ଆସିଛନ୍ତି | ସେମାନଙ୍କ ମଧ୍ୟରେ ଅନ୍ୟ ଜିଲ୍ଲାର କିଛି ଲୋକ ଓହ୍ଲାଇ ପଡୁଛନ୍ତି | ଆମେ ଅନ୍ୟ ଜିଲ୍ଲାର ଲୋକଙ୍କୁ ସେମାନଙ୍କ ଜିଲ୍ଲାକୁ ପଠାଇଦେଉଛୁ | ଆମ ଜିଲ୍ଲାର ପ୍ରବାସୀଙ୍କୁ ଜିଲ୍ଲାର ବିଭିନ୍ନ ଟିଏମସିକୁ ପଠାଇଦେଉଛୁ ବୋଲି ଜିଲ୍ଲାପାଳ ଜ୍ଞାନ ଦାସ ସୂଚନା ଦେଇଛନ୍ତି |