ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ମାରାତ୍ମକ କରୋନା ଭୁତାଣୁର କଡା ମୁକାବିଲା କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଲକ୍  ଡାଉନ୍ ଘୋଷଣା କରାଯାଇଛି । ଏଭଳି ଲକ୍ ଡାଉନ୍ ସମୟରେ ବାହାରକୁ ବାହାରିବା ମନା ସହ ସାମାଜିକ ଦୂରତା ରକ୍ଷା କରିବା ଏବଂ କାମଧନ୍ଦା ସବୁ ବନ୍ଦ ର କଡା ନିର୍ଦ୍ଦେଶନାମା ରହିଛି ।
ଲକ୍ ଡାଉନ୍ ଭଳି ଦୁର୍ଦ୍ଦିନ ସମୟରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି , ଆମକୁ ପ୍ରଧାନମନ୍ତ୍ରୀ ଉଜ୍ଜଳା ଯୋଜନାର ଗରିବ ମହିଳା ମାନଙ୍କୁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା ଅନ୍ତର୍ଗତରେ ୩ ମାସ ପାଇଁ ୩ ଟି ଗ୍ୟାସ ସିଲିଣ୍ଡର ମାଗଣାରେ ଦେବା ଘୋଷଣା କରିଛନ୍ତି । ତାହା ପୁଣି ଗ୍ୟାସ ସିଲିଣ୍ଡର ସମ୍ପୃକ୍ତ ଗ୍ୟାସ ଏଜେନ୍ସି ପକ୍ଷରୁ ଘର ବାଟକୁ ଆସି ଗ୍ୟାସ ସିଲିଣ୍ଡର ଦେଇ ଯାଉଛନ୍ତି ।
 ବର୍ତ୍ତମାନ ଆମେ ପ୍ରଥମ ଗ୍ୟାସ ସିଲିଣ୍ଡର ପାଇଥିବା ବେଳେ ଅନ୍ୟ ଦୁଇଟି ପରେ ମିଳିବ । ଲକ୍ ଡାଉନ୍ ସମୟ ଚାଲିଥିବା ବେଳେ ପ୍ରଧାନମନ୍ତ୍ରୀ ଆମ ଉଜ୍ଜଳା ଯୋଜନାର ମହିଳା ହିତାଧିକାରୀ ମାନଙ୍କୁ ଆସନ୍ତା ୩ ମାସ ପାଇଁ ୩ ଟି ଗ୍ୟାସ ଦେଇଥିବା ଯୋଗୁଁ ଏହା ଆମ ପାଇଁ ବେଶ ଉପକାରରେ ଆସିବ ।
ଏଭଳି ସାହାଯ୍ୟ ଓ ସହାୟତା ଯୋଗୁଁ ପ୍ରଧାନମନ୍ତ୍ରୀଙ୍କ ଠାରେ ଆମେ ଚୀର କୃତଜ୍ଞ । ସେଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବହୁତ ଧନ୍ୟବାଦ ଦେଉଛୁ ବୋଲି ବି.ସାରଦା ଓ କେ.ମନୀଷା  ଗଜପତି ଜିଲ୍ଲା ଗୋଷାଣୀ ବ୍ଲକ ଅନ୍ତର୍ଗତ ଉପଲଡା ପଞ୍ଚାୟତ ଉପଲଡା ଗ୍ରାମର ପ୍ରଧାନମନ୍ତ୍ରୀ ଉଜ୍ଜଳା ଯୋଜନାର ଦୁଇ ଜଣ  ମହିଳା ହିତାଧିକାରୀ କହିଛନ୍ତି।