ଭୁବନେଶ୍ୱର/chakradhar majhi : ଆଂଚଳିକ ପରିବହନ କର୍ତ୍ତୃପକ୍ଷଙ୍କ ଠାରୁ ବୈଧ ପଞ୍ଜୀକୃତ ନମ୍ବର ନଥାଇ କୌଣସି ଯାନ ଏପ୍ରିଲ ପହିଲାରୁ ରାସ୍ତାରେ ଗଡିପାରିବନି । ତେଣୁ କୌଣସି ଗାଡିର ବୈଧ ପଞ୍ଜୀକରଣ ନମ୍ବର ନପାଇବା ପର୍ଯ୍ୟନ୍ତ କୌଣସି ଗାଡି ଗ୍ରାହକଙ୍କୁ ହସ୍ତାନ୍ତର ନକରିବା ପାଇଁ ଗାଡି ଡିଲରମାନଙ୍କୁ ମଧ୍ୟ ରାଜ୍ୟ ସରକାର ନିର୍ଦ୍ଦେଶ ଦିଆଯାଇଛି ।
ପରିବହନ କମିଶନର ମଧୂସୁଦନ ପାଢୀ ଆଞ୍ଜଳିକ ପରିବହନ ଅଧିକାରୀମାନଙ୍କୁ ଚିଠି ଲେଖି ଏହି ନିୟମ ସମ୍ପର୍କରେ ଡିଲରମାନଙ୍କୁ ଜଣାଇଦେବା ତଥା ଏପ୍ରିଲ ପହିଲାଠାରୁ କଡାକଡି ଭାବେ ଏହି ନିୟମକୁ ଲାଗୁ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ସେ ସେଣ୍ଟ୍ରାଲ ମୋଟର ଭେଇକିଲ ଆକ୍ଟ ୧୯୮୯ ଅନୁଯାୟୀ ପଞ୍ଜୀକରଣ ନମ୍ବର ନପାଇବା ପଯ୍ୟନ୍ତ କୌଣସି ଗାଡି ହସ୍ତାନ୍ତର କରିପାରିବେ ନାହିଁ ବୋଲି ବ୍ୟବସ୍ଥା ରହିଛି । ଏହି ନିୟମ ରହିଥିଲେ ବି ତାହାକୁ ଅନୁପାଳନ କରାଯାଉନାହିଁ । ଯାହାର ପରିଣାମ ସ୍ୱରୂପ ସରକାର ଠିକଣା ସମୟରେ ଟିକସ ପାଇପାରୁନାହାନ୍ତି ବୋଲି ଶ୍ରୀ ପାଢୀ କହିଛନ୍ତି ।
ପରିବହନ କମିଶନରଙ୍କ ପକ୍ଷରୁ ଜାରି ସର୍କୁଲାରରେ କୁହାଯାଇଛି ଯେ ଡିଲରମାନେ ଗ୍ରାହକମାନଙ୍କ ଠାରୁ ପଞ୍ଜୀକରଣ ଓ ଟିକସ ବାବଦ ଦେୟ ରଦିଅନ୍ତି ଆଉ ତାହାକୁ ସେମାନଙ୍କ ଇଚ୍ଛାରେ ପରିବହନ କାଯର୍ୟାଳୟକୁ ପଠାଇଥାନ୍ତି । ବେଳେବେଳେ ଦୁଇ ତିନିସପ୍ତାହ ପରେ ଡିଲରମାନେ ଗଦା ଗଦା ଡକ୍ୟୁମେଣ୍ଟ ଏକାଥରକେ ପଠାଇଦିଅନ୍ତି । ବହୁତଗାଡି ଟିକସ ଓ ପଞ୍ଜୀକରଣ ବାବଦ ଦେୟ ଦେଇ ବି ବିନା ନମ୍ବରରେ କିଛି ଲୋକ ଗାଡି ଚଳାଇଥିବା ସରକାରଙ୍କ ନଜରକୁ ଆସିଛି । ତେଣୁ ଏବେ ଏହି ନିୟମକୁ କଡାକଡି କରାଯାଇଛି । ତେଣୁ ଡିଲରମାନେ ଯଦି ନମାନନ୍ତି ତେବେ ସେମାନଙ୍କ ବିରୋଧରେ କଠୋର କାର୍ଯାନୁଷ୍ଠାନ ଗ୍ରହଣ କରାଯାଏ । ଏମଭିଆଇମାନେ ମଝିରେ ମଝିରେ ବିଭିତ୍ତ ସୋରୁମ କୁ ଅତର୍କିତ ଯାଞ୍ଚ ରେ ଯିବେ ଆଉ ସେମାନଙ୍କ ଷ୍ଟକ ଓ ଡେଲିଭରି ତନଖୀ କରିବେ । ଯଦି କିଛି ଅସଙ୍ଗତି ଦେଖାଯାଏ ତେବେ ଡିିଲରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ । ଏପରିକି ସେମାନଙ୍କ ଟ୍ରେଡ ଲାଇସେନ୍ସ ବାତିଲ କରିବା ପାଇଁ ପଦକ୍ଷେପ ନିଆଯାଇପାରେ ।
ଜଣେ ଅଧିକାରୀଙ୍କ କହିବା ଅନୁଯାୟୀ ଅନଲାଇନରେ ଟିକସ ଓ ପଞ୍ଜୀକରଣ ପୈଠ ବ୍ୟବସ୍ଥା ରହିଛି । ଅନଲାଇନରେ ଦେୟ ପୈଠ କଲେ ୨୪ ଘ । ମଧ୍ୟରେ ଏସଏମଏସ ଜେନେରେଟ ହୋଇ ଗ୍ରାହକଙ୍କ ମୋବାଇଲକୁ ·ଲିଯିବ, ଯେଉଥିରେ ଗାଡିର ପଞ୍ଜୀକରଣ ନମ୍ବର ଥିବ । ଏସଏମଏସରେ ଯାଉଥିବା ନମ୍ବର ବୈଧ ଓ ଠିକ୍ ନମ୍ବର । ଗାଡି କାଗଜପତ୍ର ଡାକରେ ପାଇବା ପୂର୍ବରୁ ସେହି ନମ୍ବରକୁ ଲେ ବି ଗାଡି ଚଲାଇହେବ । ସେଥିପାଇଁ ସରକାରଙ୍କ ପକ୍ଷରୁ ଟି ପ୍ଲସ ୱାନ(tranaction plus 1 ) ପ୍ଲସ ୱାନ ଡେ) ବ୍ୟବସ୍ଥା ରହିଛି । ଗାଡି ବିକ୍ରି ହେବାର ଦିନକ ମଧ୍ୟରେ ଟିକସ ବା ପଞ୍ଜୀକରଣ ଦେୟ ପରିବହନ କର୍ତୃପକ୍ଷ ଙ୍କ ନିକଟରେ ପହଂଚିବା ଦରକାର ।
ଏ ସମ୍ପର୍କରେ ଜଣେ ଡିଲର କହିଛନ୍ତି ଯେ ସରକାରଙ୍କ ନିମୟ ଦ୍ୱାରା ଆମକୁ ଏତେ ପରିମାଣ ଡକ୍ୟୁମେଣ୍ଟ ହ୍ୟାଣ୍ଡଲ କରିବା ପାଇଁ ଅଧିକ କର୍ମ·ରୀ ରବାକୁ ପଡିବ । କେବଳ ସେତିକି ନୁହେଁ ବିକ୍ରି ହୋଇଥିବା ଗାଡିଗୁଡିକ ଯେହେକୁ ପଞ୍ଜୀକରଣ ନମ୍ବର ଆସିବା ପର୍ଯ୍ୟନ୍ତ ରହିବ ତେଣୁ ଆମକୁ ବଡ ଷ୍ଟକୟାର୍ଡ ମଧ୍ୟ ଭଡାରେ ନେବାକୁ ପଡିବ ବୋଲି କହିଛନ୍ତି ଡିଲର ଜଣକ ।
