ଭୁବନେଶ୍ୱର: ସ୍ବର୍ଗତ ବିଧାୟକ ସୁବଳ ସାହୁଙ୍କ ପରିବାର ବିଜେଡି ରେ ଯୋଗଦାନ କଂଗ୍ରେସ ପାଇଁ ମସ୍ତବଡ ଝଟକା ହୋଇଥିବା ହେବେ ଆଜି ପୁଣି ଏକ ଝଟକା ପହଂଚିଛି ବିଜେପୁର ଏନଏସି ହାତରୁ ଚାଲିଯିବା ପରେ । ମୃତ ସୁବଳଙ୍କ ପତ୍ନୀ ରୀତା ସାହୁଙ୍କ ନେତୃତ୍ୱରେ ବିଜେପୁର ଏନ୍ଏସି ଅଧ୍ୟକ୍ଷ ମୀନା ସେଠ୍ ଓ ଉପାଧ୍ୟକ୍ଷଙ୍କ ସହ ୬ଜଣ କାଉନ୍ସିଲର ଆନୁଷ୍ଠାନିକ ଭାବେ ବିଜେଡିରେ ସାମିଲ ହୋଇଛନ୍ତି । ୬ଜଣ କାଉନ୍ସିଲର ହେଲେ ୧ନଂ ୱାର୍ଡର ଅଚ୍ୟୁତ ପଣ୍ଡା, ୨ନଂ ୱାର୍ଡର ସୁଚି ବେହେରା, ୪ନଂ ୱାର୍ଡର ଅଶ୍ୱିନୀ ପରିଡ଼ା, ୬ନଂ ୱାର୍ଡର ଗାୟତ୍ରୀ ରାଉତ, ୯ନଂ ୱାର୍ଡର ବାସନ୍ତୀ ଭୁଏ ଓ ୧୧ନଂ ୱାର୍ଡର ବବିତା ରଣା ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାମିଲ ହୋଇଥିବା ସମସ୍ତ କାଉନ୍ସିଲରଙ୍କୁ ସ୍ୱାଗତ କରିବା ସହ କହିଥିଲେ ଯେ ବିଜେଡି ସରକାର ଗରିବ ଓ ସାଧାରଣ ଜନତାଙ୍କ ସ୍ୱାର୍ଥର ସୁରକ୍ଷା ପାଇଁ ସମର୍ପିତ ଭାବେ କାର୍ଯ୍ୟ କରୁଛି । ଏହି ଯୋଗଦାନ ଫଳରେ ବିଜେପୁର ନିର୍ବାଚନ ମଣ୍ଡଳୀରେ ଦଳ ଆହୁରି ଶକ୍ତିଶାଳୀ ହେବା ସହ ଦଳକୁ ସୁଦୃଢ଼ କରିବା ଦିଗରେ ବିଜୁ ଜନତା ଦଳରେ ନୂତନ କାଉନ୍ସିଲରମାନଙ୍କ ଯୋଗଦାନ ସହାୟକ ହେବ ବୋଲି ଶ୍ରୀ ପଟ୍ଟନାୟକ କହିଥିଲେ । ଏହି ମିଶ୍ରଣ ସମୟରେ ମନ୍ତ୍ରୀ ସୁଶାନ୍ତ ସିଂହଙ୍କ ସମେତ ଜିଲ୍ଲାର ବହୁ ନେତୃମଣ୍ଡଳୀ ଉପସ୍ଥିତ ଥିଲେ ।
