ଭୋପାଲ( ଏଜେନ୍ସି) : ମଧ୍ୟପ୍ରଦେଶ ରାଜ୍ୟପାଳ ଲାଲଜୀ ଟଣ୍ଡନଙ୍କ ୮୫ ବର୍ଷ ବୟସରେ ଦେହାନ୍ତ ହୋଇଛି | ଆସୁସ୍ଥତା କାରଣରୁ କିଛି ଦିନ ପୂର୍ବରୁ ଡାକ୍ତରଖାନାରେ ଭର୍ତ୍ତି ହୋଇଥିବା ଶ୍ରୀ ଟଣ୍ଡନଙ୍କ ମଙ୍ଗଳବାର (ଜୁଲାଇ 21) ରେ ଦେହାନ୍ତ ହୋଇଛି। ଏ ବିଷୟ ଲାଲଜୀ ଟଣ୍ଡନଙ୍କ ପୁଅ ଆଶୁତୋଷ ଟଣ୍ଡନ ଟ୍ୱିଟରରେ ସୂଚନା ଦେଇଛନ୍ତି । ସେ ଉଲ୍ଲେଖ କରିଛନ୍ତି " ବାବୁଜୀ ନହିଁ ରହେ" |
ଶ୍ୱାସକ୍ରିୟାରେ ସମସ୍ୟା ସହ ଜ୍ୱରରେ ପୀଡିତ ହେବାରୁ ଶ୍ରୀ ଟଣ୍ଡନଙ୍କୁ ଲକ୍ଷ୍ନୋର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କୁ କିଛି ଦିନ ପୂର୍ବରୁ ଭେଣ୍ଟିଲେଟର ସହାୟତାରେ ଚିକିତ୍ସା କରାଯାଉଥିଲା |
ଟଣ୍ଡନଙ୍କ ଅସୁସ୍ଥତା ପରେ ଉତ୍ତରପ୍ରଦେଶ ରାଜ୍ୟପାଳ ଆନନ୍ଦି ବେନ ପଟେଲଙ୍କୁ ମଧ୍ୟପ୍ରଦେଶର ଅତିରିକ୍ତ ଦାୟିତ୍ୱ ଦିଆଯାଇଛି।
