ଘର ଭାଙ୍ଗିଲା , ଖାଦ୍ୟ ଖାଇଗଲା ହାତି

ବରଗଡ :- ଗତକାଲି ମଧ୍ୟ ରାତ୍ରି ପରେ ଆଜି ଭୋର ପୂର୍ବରୁ ପାଇକମାଲ ବ୍ଲକ ବରତୁଣ୍ଡା ଗ୍ରାମପଞ୍ଚାୟତ ର ପତ୍ରାପାଳି ଗ୍ରାମରେ ଶ୍ରୀ ମଧୁସୂଦନ ମାଝୀ ଘରେ ତାଙ୍କ ସ୍ତ୍ରୀ , ମାଆ , ଛୁଆ ସହିତ ଶୋଇ ଥିବା ବେଳେ ଜୋରରେ ଶବ୍ଦ ହୋଇଥିଲା । ଶବ୍ଦ ଶୁଣି ପରିବାର ସାରା ଉଠିପଡ଼ି ଜାଣିଲେ ଯେ ତାଙ୍କ ଘର ଉପରେ ହାତୀ ଆକ୍ରମଣ କରିଛି । ସେମାନେ ଉଠିପଡ଼ି ଘରଦ୍ୱାର ଛାଡି ଜୀବନ ବଞ୍ଚାଇବା ନିରାପଦ ସ୍ଥାନକୁ ପଳେଇ ଥିଲେ । ସକାଳେ ଘରକୁ ଫେରି ଦ୍ଦେଖିଲେ ଯେ ହାତୀ ଘରକୁ ସମ୍ପୁର୍ଣ୍ଣ ରୂପେ ଭାଙ୍ଗିଦେଇଥିବା ସହିତ ଘରେ ଥିବା ଚାଉଳ ଓ ଅନ୍ୟାନ୍ୟ ଖାଦ୍ୟ ସାମଗ୍ରୀ ଖାଇ ଦେଇଛି ଓ ଘରର ସମସ୍ତ ସରଞ୍ଜାମ ନଷ୍ଟ କରିଦେଇଛି । ମଧୁସୂଦନ ଅତ୍ୟନ୍ତ ଗରିବ ଶ୍ରେଣୀର ହୋଇଥିବା କାରଣରୁ ତାଙ୍କୁ ତୁରନ୍ତ ସରକାରୀ ସହାୟତା ଯୋଗାଇ ଦେବା ପାଇଁ ଅଂଚଳ ବାସୀ ଦାବି କରିଛନ୍ତି