ପଦ୍ମପୁର- ପଦ୍ମପୁର ସହର ନେହରୁଗଳିର ଶଙ୍କର ସାହୁ ନାମକ ଜଣେ ବ୍ୟକ୍ତି ପଦ୍ମପୁର ଥାନାରେ ଗତ ୨୫/୦୭ ଦିନ ଲିଖିତ ଅଭିଯୋଗ କରିଥିଲେ କି ତାଙ୍କ ଏଚଏଫ ଡିଲକ୍ସ ବାଇକ (OD-17-C-2587) ମାରଓ୍ବାଡି ଧର୍ମଶାଳା ସମ୍ମୁଖରେ ଠିଆ କରିଥିବା ସମୟରେ ଚୋରିହୋଇ ଯାଇଛି । ଏ ସଙ୍କ୍ରାନ୍ତରେ ପଦ୍ମପୁର ଥାନା କେଶ ନମ୍ବର ୧୯୧/୨୫.୦୭.୨୦୨୨ , 397 IPC ଧାରାରେ ଏକ ମାମଲା ରୁଜୁ କରି ଗାଡି ଖୋଯା ଚାଲିଲା । ଏହି ବାଇକ ଟି ଚୋରି କରିଥିବା ତିନି ଜଣ ଚୋର ସହ ବାଇକ ଉଦ୍ଧାର କରିବାରେ ସକ୍ଷମ ହେଲା ପଦ୍ମପୁର ପୋଲିସ । ତିନି ଜଣ ବାଇକ ଚୋର ମାନେ ହେଲେ ନୁଆପଡା ଜିଲ୍ଲା ବେଳଟୁକରି ଥାନା ଭାନୁପୁର ଗାଁର ଆକାଶ ଶବର ଓ ପିଣ୍ଟୁ ରାଉତ ଏବଂ ନୁଆପଡା ଜିଲ୍ଲା ଯୋଙ୍କ ଥାନା ଖରିଆରୋଡ଼ ହାଇସ୍କୁଲ ପଡାର ଅବଦୁଲ ଜମିଲ । ତିନି ଜଣଙ୍କୁ କୋର୍ଟ ଚାଲାଣ କରାଯାଇଥିବା ପଦ୍ମପୁର ଥାନା ଅଧିକାରୀ ରାଜେନ୍ଦ୍ର ସିଆଲ ସୂଚନା ଦେଇଛନ୍ତି ।