ପଦ୍ମପୁର- ପଦ୍ମପୁର ପୋଲିସ ପକ୍ଷରୁ ଏଏସଆଇ ସନ୍ତୋଷ ବିଶ୍ବାଳ,କନେଷ୍ଟବଳ ନାରାୟଣ ସାହୁ, କନେଷ୍ଟବଳ ସୁକଦେବ ପ୍ରଧାନ ଏବଂ ଅନ୍ୟାନ୍ୟ କର୍ମଚାରୀ ମାନେ ପେଟ୍ରୋଲିଂ କରୁଥିବା ସମୟରେ ବରିକେଲ ପଟରୁ ପଦ୍ମପୁର ଅଭିମୁଖେ ଗୋଟିଏ ବାଇକ ବାଇକ ନମ୍ବର OD-17-J-4470 ରେ ଜଣେ ଲୋକ କିଛି ବୋଝେଇ କରି ନେଉଥିବା ଦେଖି ସନ୍ଦେହ କରି ତାକୁ ଅଟକାଇଥିଲେ । ସେହି ଲୋକ ଠାରୁ ୪୦ ଲିଟର ରନ୍ଧାମଦ ଜବତ କରିଥିଲେ । ରନ୍ଧାମଦ ନେଉଥିବା ବ୍ୟକ୍ତି ଜଣକ ହେଲା ବରଗଡ଼ ଟାଉନ ଥାନା ଅନ୍ତର୍ଗତ ଗଣ୍ଡପାଳି ଗାଁର ପ୍ରହଲ୍ଲାଦ କନ୍ଧେର । ଏ ସମ୍ବନ୍ଧରେ ପଦ୍ମପୁର ଥାନା କେଶ ନମ୍ବର ୧୯୩/୨୭.୦୭.୨୦୨୨, ଅବକାରୀ ନିୟମ ଅନୁଯାୟୀ ଏକ ମାମଲା ରୁଜୁ କରି ଉକ୍ତ ବ୍ୟକ୍ତି କୁ କୋର୍ଟ ଚାଲାଣ କରାଯାଇଥିବା ପଦ୍ମପୁର ଥାନାଧିକାରୀ ରାଜେନ୍ଦ୍ର ସିଆଲ ସୂଚନା ଦେଇଛନ୍ତି ।