ବ୍ୟାସନଗର(ଜୟଶଙ୍କର ଦାଶ)  କୋରେଇ ଥାନା ଅର୍ନ୍ତଗତ ନୂଆଗଡ ୨୦ନଂ ଜାତୀୟ ରାଜପଥର ଗୋଲେଇ ଛକ ନିକଟରେ  ଏକ ମଟର ସାଇକେଲ ଦୁର୍ଘଟଣାରେ ଜଣେ ଯୁବକ ଗୁରୁତର ଆହତ ହୋଇ ପଡିଥିଲା । ଯାଜପୁର ରୋଡ ଦମକଳ ବାହିନୀ  ଆହତ  ଯୁବକକୁ ଉଦ୍ଧାର କରି ଯାଜପୁର ରୋଡ ଗୋଷ୍ଠୀ  ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଆହତ ବ୍ୟକ୍ତି ଜଣକ ହେଲେ କେନ୍ଦୁଝର  ଜିଲ୍ଲା ଘସିପୁରା ଥାନା ଅର୍ନ୍ତଗତ ଭଣ୍ଡାରିଡିହାର ତୋରଣିଆପାଳ ଗ୍ରାମର ଅମୂଲ୍ୟ ଲେଙ୍କା  । ସେ ଏକ ମଟର ସାଇକେଲରେ ଯାଜପୁର ରୋଡକୁ ଯାଉଥିବା ବେଳେ  ଅନ୍ୟ ଏକ ମଟର ସାଇକେଲ ତାଙ୍କୁ ପଛରୁ ପିଟିବା ଫଳରେ ଘଟଣାସ୍ଥଳରେ ଅମୂଲ୍ୟ ବାଇକରୁ ତଳେ ଘୋଷାଡ଼ି ହୋଇ ପଡିବା ଯୋଗୁଁ ତାଙ୍କ ଗୋଡ ଭାଙ୍ଗି ଯାଇଛି । ଯାଜପୁର ରୋଡର କ୍ଲବ୍ ଦି’ ୟୁଥ୍ ମାସର ସଂପାଦକ ରାଜେଶ ରାଉତ ଆହତ ବ୍ୟକ୍ତିଙ୍କୁ ଚିକିତ୍ସାରେ ସହଯୋଗ କରିବା ସଂଗେ ସଂଗେ ତାଙ୍କ ପରିବାର ଲୋକଙ୍କ ଏ ବିଷୟରେ ଅବଗତ କରାଇଥିଲେ । ଏହି ଗୋଲେଇ ଛକଟି ତୃଟିପୂର୍ଣ୍ଣ ଭାବରେ ନିର୍ମାଣ ହୋଇ ୪ ଟି ରାସ୍ତାକୁ ସଂଯୋଗ କରୁଥିବାରୁ ଦୈନିକ ଛୋଟ ବଡ ଦୁର୍ଘଟଣା  ମାନ ଘଟୁଛି ।