ଚାଲିଛି ମାଇନିଂ ଏରିଆ ଟ୍ରକ ଓନର୍ସ ଆସୋସିଏସନ ନିର୍ବାଚନ
ବଡ଼ବିଲ (ଶାସକ ପ୍ରଶାସକ) ମାଇନିଂ ଏରିଆ ଟ୍ରକ୍ ଓନର୍ସ ଆସୋସିଏନ(ମାଟୋଆ)ର ନିର୍ବାଚନ ନିମନ୍ତେ ଆଜି ଭୋଟ ଗ୍ରହଣ ଶାନ୍ତି ଶୃଙ୍ଖଳାର ସହିତ ଚାଲୁରହିଛି । ମୋଟ ୬୯୨ ଜଣ ଭୋଟର ଏହି ନିର୍ବାଚନ ପ୍ରକ୍ରିୟାରେ ଭାଗନେବେ। ଆଜି ସକାଳ ୧୦ଟାରୁ ଭୋଟଦାନ ଆରମ୍ଭ ହୋଇଛି। ଭୋଟଦାନ ସନ୍ଧ୍ୟା ୫ଟା ପର୍ଯ୍ୟନ୍ତ ଚାଲୁ ରହିବ। ଏହି ନିର୍ବାଚନରେ ୪ଟି ପଦବୀ ପାଇଁ ନିର୍ବାଚନରେ ମଇଦାନରେ ୧୩ ଜଣ ପ୍ରାର୍ଥୀ ରହିଛନ୍ତି। କେନ୍ଦୁଝରର ବରିଷ୍ଠ ଆଇନଜୀବୀ ବିରଜା ମିଶ୍ର ଏବଂ ବଡ଼ବିଲର ବରିଷ୍ଠ ଆଇନଜୀବୀ ଚିନ୍ମୟ ବାରିକ ନିର୍ବାଚନ ପରିଚାଳନା କରୁଛନ୍ତି। ତେବେ ଏହି ନିର୍ବାଚନର ଫଳାଫଳ ଘୋଷଣା କରାଯିବା ନେଇ ହାଇକୋର୍ଟ ରହିତାଦେଶ ଜାରି କରିଛନ୍ତି । ମାଟୋଆ ନିର୍ବାଚନ କମିଟି ସଦସ୍ୟ ପ୍ରିୟବ୍ରତ ମହାପାତ୍ରଙ୍କ ଆବେଦନକୁ ବିଚାରକୁ ନେଇ ଉଚ୍ଚ ନ୍ୟାୟାଳୟ ଏହି ମଧ୍ୟକାଳୀନ ଆଦେଶ ଦେଇଥିବା ଜଣାପଡ଼ିଛି।
