ବରଗଡ :- ବରଗଡ ପୋଲିସକୁ ମିଳିଛି ଆହୁରି ଏକ ବଡ଼ ସଫଳତା । ବରଗଡ଼ ଟାଉନ ଥାନା ପୋଲିସ ସୋମବାର ସହର ଉପକଣ୍ଠ ଘୁଲିପାଲି ନିକଟରୁ ଗିରଫ କରିଛି ଦୁର୍ଦ୍ଦାନ୍ତ ଅପରାଧୀକୁ । ଅପରାଧୀ ଜଣକ ହେଲା ଝାରସୁଗୁଡ଼ା ଜିଲା ରେଙ୍ଗାଲି ଥାନା ଅନ୍ତର୍ଗତ ଧୁଲୁଣ୍ଡାଗ୍ରାମର ବୁଦ୍ଧଦେବ ବିଶ୍ବାଳ(୩୬) @ ଚିଆଁ । ଚିଆଁ ନିକଟରୁ ପୋଲିସ ଗୋଟେ ଦେଶୀ ପିସ୍ତଲ, ଗୋଟିଏ ଜୀବନ୍ତ ଗୁଳି ଏବଂଚାରି ଗୋଟି ମୋବାଇଲ ଫୋନ ଜବତ କରିବାରେ ସଫଳ ହେଇଛି ।
ବରଗଡ SP ପଦ୍ମିନୀ ସାହୁ ଙ୍କର ସୂଚନା ଅନୁସାରେ ଚିଆଁ ଘୁଲିପାଲି ଛକ ନିକଟରେ ନିଜ କିଛି ସହଯୋଗୀ ମାନଙ୍କୁ ଅପେକ୍ଷା କରୁଥିଲା କୋଣସି ଏକ ଜାଗାରେ ଡକାୟତି କରିବା ପାଇଁ। ଚିଆଁ ର ଉପସ୍ଥିତି ନେଇ ଟାଉନ ଥାନା ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଚିଆଁ କୁ ଧରିବା ପାଇଁ ଜାଲ ବିଛେଇଥିଲା । ପୋଲିସକୁ ଦେଖିବା ମାତ୍ରେ ଚିଆଁ ଫେରାର ହେବାର ଉଦ୍ୟମ କରି ଅସଫଳ ହେଇଥିଲା । ଜାମୁର୍ଡା ଗୁଳିକାଣ୍ଡ, ସହିତ ବରଗଡ଼ ତଥା ସମ୍ବଲପୁର ର ଅନେକ ଥାନାରେ ଚିଆଁ ର ନାମରେ ଏକାଧିକ ମାମଲା ରହିଥିବା SP ସୂଚନା ଦେଇଛନ୍ତି । ବରଗଡ଼ ଟାଉନ ଥାନାରେ କେଶ ନମ୍ବର ୪୫୯/୧୯ରେ ଏକ ମାମଲା ରୁଜୁ କରି ପୋଲିସ ତଦନ୍ତ ଜାରୀ ରଖିଛି |
