ଆଠମଲ୍ଲିକ/ ସନ୍ତୋଷ ମେହେର: ଆଠମଲ୍ଲିକ ବ୍ଲକର ମାଧପୁର ଜୋନ୍ ଟୁସର ଉଚ୍ଚ ବିଦ୍ୟାଳୟଠାରେ ଅନୁଷ୍ଠିତ ହୋଇଯାଇଛି ବାର୍ଷିକ କ୍ରୀଡାପ୍ରତିଯୋଗିତା. ଏହି ଅବସରରେ ମୁଖ୍ୟ ଅତିଥିଭାବରେ ଆଠମଲ୍ଲିକ ହେଡ଼ଜୋନ୍ ର ସଭାପତି ତଥା ମାଧପୁର ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଦେବରାଜ ନାୟକ ଉପସ୍ଥିତ ରହି ଉଦଘାଟନ କରିବା ସହିତ ଛାତ୍ର ଛାତ୍ରୀ ମାନଙ୍କୁ ମହତ୍ୱପୂର୍ଣ୍ଣ ବକ୍ତବ୍ୟ ଦେଇ ଉତ୍ସାହିତ କରିଥିଲେ |
ଉକ୍ତ ପ୍ରତିଯୋଗିତାରେ ମାଧପୁର ଜୋନ୍ ର ସମସ୍ତ ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ମନେ ଯୋଗଦାନ କରିଥିଲେ.| ଏହି ପ୍ରତିଯୋଗିତାରେ ୮୦ଜଣ ଛାତ୍ର ଛାତ୍ରୀ ଫୁଟବଲ, କବାଡି, ଖୋଖୋ, ଖେଳରେ ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତା ମାଧପୁର ହେଡ଼ଜୋନର ସମ୍ପାଦକ ତଥା ମାଧପୁର ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ଶରତ କୁମାର ସାହୁଙ୍କ ତତ୍ତ୍ୱବଧାନରେ ସମ୍ପାଦିତ ହୋଇଥିଲା ଏଥିସହିତ ପୂର୍ବତନ କ୍ରୀଡାଶିକ୍ଷକ ଭବାନୀ ଶଙ୍କର ମିଶ୍ର,କିଆକଟା ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ବିନୋଦ କୁମାର ପ୍ରଧାନ, ସରୋଜ କୁମାର ପ୍ରଧାନ, ଗୁପ୍ତେଶ୍ୱର ସାହୁ, ବିପ୍ଳବ ମହାଖୁଡ ସହଯୋଗ କରିଥିଲେ ଏବଂ ଟୁସର ଉଚ୍ଚ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ବୀରବର ରାଉତଙ୍କ ସମ୍ପୂର୍ଣ୍ଣ ସହଯୋଗରେ ପ୍ରତିଯୋଗିତାଟିକୁ ସଫଳ କରିଥିଲେ ଏଥିରେ ତାଙ୍କର ସମସ୍ତ କର୍ମକର୍ତା ସହଯୋଗ କରିଥିଲେ.|
