ଆନ୍ତର୍ଜାତୀୟ ଧର୍ମ ଜାଗରଣ ସଭା
ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ଗୁମ୍ମା ବ୍ଲକ ସେରଙ୍ଗ ଠାରେ ଆନ୍ତର୍ଜାତୀୟ ଧର୍ମ ଜାଗରଣ ସଭା ଅନୁଷ୍ଠିତ ହୋଇଯାଇଛି । ଏଥିରେ ଅଖିଳ ଭାରତୀୟ ସନ୍ଥ ସମିତି ଅଧ୍ୟକ୍ଷ ତଥା ଆନ୍ତର୍ଜାତୀୟ କ୍ରିୟା ଯୋଗି ସ୍ୱାମୀ ଶଙ୍କରା ନନ୍ଦ ଗିରି ଯୋଗ ଦେଇ ଭାରତୀୟ ସଂସ୍କୃତି , ହିନ୍ଦୁ ଧର୍ମର ଗୀତା ଓ ମହାଭାରତ ସମେତ ନାରୀ-ଶିକ୍ଷା ଉପରେ କହିଥିଲେ ।
ଅନ୍ୟ ପକ୍ଷରେ ବିଦେଶରେ ଖ୍ରୀଷ୍ଟିଆନ ଧର୍ମୀ ଲୋକଙ୍କ ମଧ୍ୟରେ ହିନ୍ଦୁ ଧର୍ମର ବହୁ ପ୍ରଶଂସା ରହିଛି , ଏମିତିକି ଖ୍ରୀଷ୍ଟିଆନ ଲୋକମାନେ ଖୋଳ-ମୃଦଙ୍ଗ ସଂକୀର୍ତ୍ତନ କରି ନାଚି ନାଚି ଯାଇଥାନ୍ତି। ସେରଙ୍ଗ ଠାରେ ଥିବା ଶହ ଶହ ବର୍ଷର ପୂରାତନ ଶ୍ରୀ ଶ୍ରୀ ରାଧାକାନ୍ତ ମନ୍ଦିରର ପୁନଃଉଦ୍ଧାର କରାଯିବା ସମ୍ପର୍କରେ କହିଥିଲେ ।
ଅନ୍ୟ ପକ୍ଷରେ ରୁଷିଆର ଦମ୍ପତ୍ତି କ୍ରିୟା-ଯୋଗ ଦୀକ୍ଷା ନେଇ ତାଙ୍କ ଜୀବନରେ ଵହୁ ଉନ୍ନତି ହେଉଥିବା କହିଥିଲେ । ଭାରତୀୟ ସଂସ୍କୃତି ମହାନ । ଭାରତ ବର୍ଷର ନାଚ ଓ ଗୀତ ବହୁ ସୁନ୍ଦର ଏବଂ ଏଠାରେ ବହୁ ଜ୍ଞାନ ଭରି ରହିଛି । ଭାରତର ସଂସ୍କୃତି , ହିନ୍ଦୁତ୍ୱ ଓ ହିନ୍ଦୁ ଧର୍ମ ଗ୍ରହଣ କରି ସେମାନେ କିଭଳି ଅନୁଭବ କରୁଛନ୍ତି ତାହା କହିଥିଲେ।
ଏହି କାର୍ଯ୍ୟକ୍ରମରେ ମହନ୍ତ ମହାରାଜ ରାଧା ଚରଣ ଦାସଜୀଙ୍କ ସଭାପତିତ୍ୱରେ ଅନ୍ୟମାନଙ୍କ ମଧ୍ୟରେ ମହନ୍ତ ମହାରାଜ ମଦନ ଗୋପାଳ ଦାସଜୀ , ମହନ୍ତ ଯଶୋଦା ନନ୍ଦ ଦାସଜୀ , ମହନ୍ତ ମହାରାଜ ସୀତାରାମ ଦାସଜୀ, ଅଖିଳ ଭାରତ ସନ୍ଥ ସମିତି'ର ମହନ୍ତ ମହାରାଜ ସତ୍ୟାନନ୍ଦ ଦାସଜୀ ଙ୍କ ସମେତ ଓଡିଶାର ବିଭିନ୍ନ ପ୍ରାନ୍ତରରୁ ବହୁ ସଂଖ୍ୟାରେ ସାଧୁସନ୍ଥ ମାନେ ଯୋଗ ଦେଇ ପ୍ରବଚନ ଦେଇଥିଲେ ।
