ରାୟଗଡାରୁ ସରୋଜ ସାହୁ : ହୀରାଖଣ୍ଡ ଏକ୍ସପ୍ରେସ ଟ୍ରେନ ଦୁର୍ଘଟଣାକୁ ଏକ ବର୍ଷ ପୂରିଥିବା ବେଳେ ସେହି ମର୍ମନ୍ତୁଦ ଦୁର୍ଘଟଣାକୁ ମନେ ପକାଇଛନ୍ତି ରାୟଗଡା ଜିଲ୍ଲା ପ୍ରଶାସନ । ଆନ୍ଧ୍ର ଓଡିଶା ସୀମାନ୍ତ କୁନେରୁ ରେଳଷ୍ଟେସନ ଠାରେ ଜାନୁୟାର ୨୧, ୨୦୧୭ରେ ହୀରାଖଣ୍ଡ ଏକ୍ସପ୍ରେସ ଦୁର୍ଘଟଣାଗ୍ରସ୍ତ ହୋଇଥିଲା । ସେହି ଦୁର୍ଘଟଣାରେ ୪୧ଜଣ ପ୍ରାଣ ହରାଇଥିବା ବେଳେ ୨୦୦ରୁ ଅଧିକ ଯାତ୍ରୀ ଗୁରୁତର ଭାବେ ଆହତ ହୋଇଥିଲେ । ଏହି ଦୁଖଦ ଘଟଣାକୁ ୧ବର୍ଷ ପୂର୍ତ୍ତି ହୋଇଥିବା ବେଳେ ଜିଲ୍ଲା ପ୍ରଶାସନ ପକ୍ଷରୁ ମୃତ ବ୍ୟକ୍ତିଙ୍କ ଆତ୍ମାର ସଦ୍ଗତି ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । ଏହା ପରେ ଏକ ଶାନ୍ତି ଶୋଭାଯାତ୍ର୍ରା ଅନୁଷ୍ଠିତ ହୋଇଥିଲା । ରାୟଗଡ ଜିଲ୍ଲାପାଳ ଗୁହା ପୁନମ ତାପସ କୁମାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀ , କର୍ମଚାରୀ ସିଆରପିଏଫ, ବିଏସଏଫ ଜବାନଙ୍କ ସହ ରାୟଗଡା ପୋଲିସ, ଅଗ୍ନିଶମ କର୍ମଚାର ଓ ଜିଲ୍ଲାର ବହୁ ମାନଗଣ୍ୟ ବ୍ୟକ୍ତି ଯୋଗ ଦେଇଥିଲେ ।
