ନୂଆପଡ଼ା/ ଅମିତ କୁମାର ପୁରୋହିତ   ପୁଲୱାମାରେ ଆତଙ୍କବାଦୀ ହମଲାରେ ଶହୀଦ ହୋଇଥିବା ଯବାନଙ୍କ ସ୍ମୃତିରେ ନୂଆପଡ଼ା ସହରରେ ବିଭିନ୍ନ ସଙ୍ଗଠନ ତରଫରୁ ଅଶ୍ରୁଳ ଶ୍ରଦ୍ଧାଞଳି ଜ୍ଞାପନ କରାଯାଇଛି । ସନ୍ଧ୍ୟାରେ ସ୍ଥାନୀୟ ଦୈନିକ ବଜାର ପରିସରରୁ ନ୍ୟାସନାଲ କ୍ଲବ ତରଫରୁ ଏକ ଶୋଭାଯାତ୍ରା ବାହାରିଥିଲା । ଏଥିରେ ଶହୀଦ ଯବାନଙ୍କ ଫଟୋଚିତ୍ରକୁ ପୂଜାର୍ଚ୍ଚନା କରାଯାଇଥିଲା । ସହରର ବହୁ ସ୍ୱେଚ୍ଛାସେବୀ ସଙ୍ଗଠନର ମହିଳା, ଶିଶୁ ମାନେ ଆସି ଦୀପ ଜଳାଇଥିଲେ । ପରେ ଶୋଭାଯାତ୍ରାରେ ସହର ପରିକ୍ରମା କରିଥିଲେ । ଠିକ ଏହିଭଳି ସର୍ବଦଳୀୟ ଭାବେ ଏକତା ଛକ ନିକଟରେ ସ୍ୱର୍ଗୀୟ ଘାସିରାମ ମାଝିଙ୍କ ପ୍ରତିମୂର୍ତ୍ତି ନିକଟରେ ଶହୀଦଙ୍କ ସ୍ମୃତିରେ କ୍ୟାଣ୍ଡଲ ଜଳାଯାଇଥିଲା ।ଏଥିରେ ସରୋଜ କୁମାର ସାହୁ, ସଂଜୟ ପୁରୋହିତ, ଶମ୍ବୁପ୍ରଶାଦ ଗୁପ୍ତା, ଶ୍ରୀକାନ୍ତ ସିଂ, କାବୁଲି ମିଶ୍ର  ଓ ସହରର ବୁଦ୍ଧିଜିବୀ ସାମିଲ ଥିଲେ । ସନ୍ଧ୍ୟା ୭ ଟା ବେଳେ ସ୍ଥାନୀୟ ଭାଜପା ଜିଲ୍ଲା କାର୍ଯ୍ୟାଳୟରୁ କର୍ମକର୍ତ୍ତାମାନେ କ୍ୟାଣ୍ଡଲ ଯାତ୍ରାରେ ବାହାରି ସହର ପରିକ୍ରମା କରିଥିଲେ । ସେହି ପରି ନୂଆପଡା ଯୁବ ମଂଚ ତରଫରୁ ଏକ କ୍ୟାଣ୍ଡଲ ଯାତ୍ରା ତେଲିପଡା ଛକରୁ ସହର ପରିକ୍ରମା କରି  ଏକତା ଛକ ନିକଟରେ ସହୀଦ ଯବାନ ଙ୍କୁ ଶ୍ରଦ୍ଧାଞଳୀ ଦେଇଥିଲେ ।ଏଥିରେ ଅଭାସ ପାଢୀ,ଆକାଶ ପାଢୀ,ରୋହିତ ସାହୁ,ଗୋପି ସୁନା,ହିରୁ ସାହୁ,ବିରୁ ମହାନନ୍ଦ,ରିଟନ ପାଢୀ,ଟିକୁ ସାହୁ,ବିଟୁ ପଣ୍ଡା ପ୍ରମୁଖ ସାମିଲ ଥିଲେ ।