​ମାଲକାନାଗିରି୧୦/୦୬/୨୬(ସୁରେନ୍ଦ୍ର କୁମାର ବେମାଳ): ମାଥିଲି ଉପଖଣ୍ଡ ଚିକିତ୍ସାଳୟ ପରିସରରେ ଆଜି ଏକ ସ୍ପର୍ଶକାତର ଘଟଣା ଦେଖିବାକୁ ମିଳିଛି। ଚିକିତ୍ସାଳୟ ପରିସରରେ ଥିବା ଏକ କେଫ୍‌ରେ ହଠାତ୍ ଭୟଙ୍କର ଅଗ୍ନିକାଣ୍ଡ ଘଟି ପ୍ରକମ୍ପିତ ସ୍ଥିତି ସୃଷ୍ଟି ହୋଇଥିଲା। ତେବେ ସୌଭାଗ୍ୟବଶତଃ ଏକ ବଡ଼ ଧରଣର ଦୁର୍ଘଟଣାରୁ ଚିକିତ୍ସାଳୟ ଓ ଏହାର ଆଖପାଖ ଅଞ୍ଚଳ ଅଳ୍ପକେ ବର୍ତ୍ତି ଯାଇଛି।ସୂଚନା ଅନୁଯାୟୀ ମାଥିଲି ଉପଖଣ୍ଡ ଚିକିତ୍ସାଳୟ ପରିସରରେ ଥିବା କେଫ୍‌ରୁ ହଠାତ୍ ପ୍ରବଳ ଧୂଆଁ ବାହାରୁଥିବା ସ୍ଥାନୀୟ ଲୋକେ ଓ ହସ୍ପିଟାଲ କର୍ମଚାରୀ ଦେଖିବାକୁ ପାଇଥିଲେ। ଦେଖୁଦେଖୁ ନିଆଁ କେଫ୍‌କୁ ସମ୍ପୂର୍ଣ୍ଣ ଆପଦଗ୍ରସ୍ତ କରିଦେଇଥିଲା। ଚିକିତ୍ସାଳୟ ପରିସର ହୋଇଥିବାରୁ ରୋଗୀ ଏବଂ ସେମାନଙ୍କ ସମ୍ପର୍କୀୟଙ୍କ ମଧ୍ୟରେ କିଛି ସମୟ ପାଇଁ ଆତଙ୍କ ଓ ଉତ୍ତେଜନା ପ୍ରକାଶ ପାଇଥିଲା।
​ ଅଗ୍ନିକାଣ୍ଡ ସମ୍ପର୍କରେ ଖବର ପାଇବା ମାତ୍ରେ ମାଥିଲି ଅଗ୍ନିଶମ ବାହିନୀ ସାମାନ୍ୟତମ ବିଳମ୍ବ ନକରି ସେଠାରେ ପହଞ୍ଚିଥିଲା। ଅଗ୍ନିଶମ କର୍ମଚାରୀମାନେ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରି ନିଆଁକୁ ସମ୍ପୂର୍ଣ୍ଣ ଆୟତ୍ତ କରିବାରେ ସଫଳ ହୋଇଥିଲେ। ଫଳରେ ନିଆଁ ଅଧିକ ବ୍ୟାପି ପାରିନଥିଲା ଏବଂ ହସ୍ପିଟାଲର ମୁଖ୍ୟ ବିଲଡିଂ ସୁରକ୍ଷିତ ରହିଥିଲା।ବିଦ୍ୟୁତ ସର୍ଟ ସର୍କିଟ ଯୋଗୁଁ ହିଁ ଏହି ଭୟାବହ ଅଗ୍ନିକାଣ୍ଡ ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି। ଏହି ଦୁର୍ଘଟଣାରେ କେଫ୍‌ର କେତେକ ସାମଗ୍ରୀ ନଷ୍ଟ ହୋଇଥିବା ବେଳେ କୌଣସି ଜୀବନହାନି କିମ୍ବା ଆହତ ହେବାର ଖବର ମିଳିନାହିଁ।ଏ ସମ୍ପର୍କରେ ଗଣମାଧ୍ୟମକୁ ସୂଚନା ଦେଇ ଅଗ୍ନିଶମ ବିଭାଗ ଅଧିକାରୀ ରେଣୁ ଦିଶାରୀ କହିଛନ୍ତି, ଖବର ପାଇବା କ୍ଷଣି ଆମ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ କାବୁ କରିଥିଲା। ଚିକିତ୍ସାଳୟ ପରିସର ହୋଇଥିବାରୁ ବିପଦ ବହୁତ ବଡ଼ ଥିଲା ମାତ୍ର ସମୟୋଚିତ ପଦକ୍ଷେପ ଯୋଗୁଁ ଏକ ବଡ଼ ଦୁର୍ଘଟଣାକୁ ଏଡ଼ାଇ ଦିଆଯାଇଛି।
​ବର୍ତ୍ତମାନ ପରିସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣାଧୀନ ଥିବାବେଳେ ଅଗ୍ନିଶମ ବିଭାଗ ପକ୍ଷରୁ ସୁରକ୍ଷା ବ୍ୟବସ୍ଥାର ଯାଞ୍ଚ କରାଯାଉଛି।