ହିଞ୍ଜିଳି ଥାନା ଅର୍ନ୍ତଗତ କେ ଖରିଡା ଗ୍ରାମରେ ଏକ ହୃଦୟବିଦାରକ ଘଟଣା ଘଟିଛି। ଯାହାକି ପୁଜା ସ୍ବାଇଁ ନାମ୍ନୀ ଜଣେ କନ୍ୟା ସନ୍ତାନ ର ମା କୁ ପ୍ରେମିକ ଚିଣ୍ଟୁ ଗୌଡ ର ଭାଇ ଟାଙ୍ଗିଆରେ ହାଣି ହତ୍ୟା କରି ଘଟଣାସ୍ଥଳରୁ ଚମ୍ପଟ୍ ମାରିଥିବା ବେଳେ ପୋଲିସ ହାତରେ ଧରାପଡିଛି। ଖବର ରୁ ଜଣାପଡିଛି ଯେ ପ୍ରେମିକ ଜଣକ ବହୁ ଦିନ ହେଲା ପୁଜା କୁ ଭଲପାଇ ବିବାହ ର ପ୍ରତିଶୃତି ଦେଇ ଶାରୀରିକ ସମ୍ପର୍କ ରଖିଥିଲେ ଓ ଉଭୟଙ୍କ ଗୋଟିଏ ୩ ବର୍ଷର ଝିଅ ଅଛି ଓ ବର୍ତ୍ତମାନ ପୁଜା ଗର୍ଭବତୀ ବୋଲି ଜଣାପଡିଛି। ଏହା ମଧ୍ୟରେ ପ୍ରେମିକ ଯୁବକ ଜଣକ ପୁଜାକୁ ଅବହେଳା ଯୋଗୁଁ ସେ ଥାନାର ଦ୍ୱାରସ୍ଥ ହୋଇଥିଲେ ମଧ୍ୟ କୌଣସି ନ୍ୟାୟ ନମିଳିବାରୁ ନିଜର ଝିଅ କୁ ଧରି ଶେଷରେ ପ୍ରେମିକ ଘର ଆଗରେ ଧାରଣା ଦେଇଥିଲେ। ଏହି ଭଳି ପରିସ୍ଥିତିରେ ସାମ୍ବାଦିକ ମାନେ ପୁଜା ର ସାକ୍ଷାତକାର ନେଇ ଫେରିବା ପରେ ପ୍ରେମିକ ର ଭାଇ ଟାଙ୍ଗିଆରେ ହାଣି ହତ୍ୟା କରିଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ସହ କନ୍ୟା ସନ୍ତାନକୁ ଆଣିଛନ୍ତି ଓ ହତ୍ୟାକାରୀ ଯୁବକ କୁ ଉଠାଇ ଆଣି ଥାନାରେ ରଖି ଯେରା କରୁଛନ୍ତି।