ମାଲକାନଗିରି ରୁ ସୁରେନ୍ଦ୍ର କୁମାର ବେମାଳ: ମାଲକାନଗିରି ଜିଲ୍ଲା କାଲିମେଳା ବ୍ଲକର MV–79 ହାଇସ୍କୁଲରେ ପୁରାତନ ଶିକ୍ଷକ ଓ ଛାତ୍ର–ଛାତ୍ରୀଙ୍କ ମଧ୍ୟରେ ଆୟୋଜିତ “ବନ୍ଧୁ ମିଳନ” କାର୍ଯ୍ୟକ୍ରମ ଏକ ସ୍ମୃତିମୟ ଏବଂ ଭାବନାପ୍ରବଣ ଅବସର ରୂପେ ପାଳନ ହେଲା।
ଏହି କାର୍ଯ୍ୟକ୍ରମରେ ବହୁ ପୁରାତନ ୧୯୯୦ ରୁ ୨000 ମସିହା ପର୍ଯନ୍ତ ଛାତ୍ର–ଛାତ୍ରୀ ଦୀର୍ଘଦିନ ପରେ ନିଜ ଶିକ୍ଷକମାନଙ୍କୁ ମିଳିବାର ସୁଯୋଗ ପାଇଥିଲେ। ସେମାନେ ପୁରୁଣା ସ୍ମୃତିକୁ ମନେ ପକାଇ ଆନନ୍ଦ ଅନୁଭବ କରିଥିଲେ ଏବଂ ବିଦ୍ୟାଳୟର ସେହି ସୁନାଳି ଦିନଗୁଡ଼ିକୁ ସ୍ମରଣ କରିଥିଲେ।
ଶିକ୍ଷକମାନେ ମଧ୍ୟ ନିଜ ପୁରୁଣା ଛାତ୍ରମାନଙ୍କୁ ଦେଖି ଗର୍ବବୋଧ କରିଥିଲେ ଏବଂ ସେମାନଙ୍କ ଜୀବନର ସଫଳତା ବିଷୟରେ ଜାଣି ଖୁସି ପ୍ରକାଶ କରିଥିଲେ। କାର୍ଯ୍ୟକ୍ରମରେ ସମ୍ମାନ ଓ ସ୍ମୃତିଚିହ୍ନ ଦେଇ ପୁରାତନ ଶିକ୍ଷକମାନଙ୍କୁ ସମ୍ମାନିତ କରାଯାଇଥିଲା।
ଏହି ବନ୍ଧୁ ମିଳନରେ ସାହିତ୍ୟିକ, ସାଂସ୍କୃତିକ କାର୍ଯ୍ୟକ୍ରମ ଓ ଅନୁଭବ ବିନିମୟ ମାଧ୍ୟମରେ ସମ୍ପର୍କକୁ ଆଉ ମଜବୁତ କରାଯାଇଥିଲା। ସମସ୍ତେ ଏକାଠି ହୋଇ ଭବିଷ୍ୟତରେ ଏପରି କାର୍ଯ୍ୟକ୍ରମ ଆଉ ବଡ଼ ଆକାରରେ କରିବାକୁ ନିଶ୍ଚୟ କରିଥିଲେ। ଏହି ବନ୍ଧୁ ମିଳନ କାର୍ଯ୍ୟକ୍ରମ ଶିକ୍ଷକ ଓ ଛାତ୍ର–ଛାତ୍ରୀଙ୍କ ମଧ୍ୟରେ ପ୍ରେମ, ସମ୍ମାନ ଓ ସ୍ମୃତିର ଏକ ସୁନ୍ଦର ସେତୁ ଗଢ଼ି ତୋଳିଲା।
