ରାଜଗାଙ୍ଗପୁର। ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପରେ ରାଜଗାଙ୍ଗପୁର ପୋଲିସ୍ ଦ୍ୱାରା ଏକ ରକ୍ତଦାନ ଶିବିରର ଆୟୋଜନ ବୁଧବାର କରାଯାଇଥିଲା, ଯେଉଁଥିରେ ୮୫ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ରାଜଗାଙ୍ଗପୁର ଥାନା ଅଧିକାରୀ ବିଜୟ କୁମାର ଦାସଙ୍କ ନେତୃତ୍ୱରେ ଆୟୋଜିତ ଏହି ରକ୍ତଦାନ ଶିବିରରେ ସୁନ୍ଦରଗଡ଼ ଜିଲ୍ଲା ମୁଖ୍ୟାଳୟ ସ୍ଥିତ ରକ୍ତ ଭଣ୍ଡାରର ଟିମ୍ ଦ୍ୱାରା ରକ୍ତ ସଂଗ୍ରହ କରାଯାଇଥିଲା। ସହରର ଅନେକ ସଂସ୍ଥା ଏହାକୁ ସଫଳ କରିବାରେ ସହଯୋଗ କରିଥିଲେ।
ଶିବିରରେ ପୁଣି ଥରେ ଦିବ୍ୟାଙ୍ଗ ବସନ୍ତ ଶ୍ରେଷ୍ଠ ରକ୍ତଦାନ କରିଥିଲେ। ସେ ଏପର୍ଯ୍ୟନ୍ତ ପଚାଶରୁ ଅଧିକ ଥର ରକ୍ତଦାନ କରିସାରିଛନ୍ତି। ସେହିଭଳି ମନୋଜ ଟିବ୍ରେୱାଲ ୨୫ତମ ଥର ରକ୍ତଦାନ କରି ପ୍ରେରଣାର ଉତ୍ସ ପାଲଟିଥିଲେ। ସମାଜସେବୀ କମଲ ଅଗ୍ରୱାଲ ମଧ୍ୟ ଆଜି ଏହି ଶିବିରରେ ରକ୍ତଦାନ କରିଥିଲେ, ଯିଏ ୧୭ ବର୍ଷ ବୟସରୁ ବର୍ଷକୁ ଦୁଇ ଥର ରକ୍ତଦାନ କରିଆସୁଛନ୍ତି ଏବଂ ୬୦ ବର୍ଷ ବୟସରେ ମଧ୍ୟ ରକ୍ତଦାନର ପରମ୍ପରା ଜାରି ରଖିଛନ୍ତି। ସୁନ୍ଦରଗଡ଼ ପୋଲିସ୍ ଜିଲ୍ଲାର ଅତିରିକ୍ତ ଆରକ୍ଷୀ ଅଧିକ୍ଷକ ମହେନ୍ଦ୍ର କୁମାର ମୁର୍ମୁ ଫିତା କାଟି ଏହି ଶିବିରକୁ ଉଦ୍ଘାଟନ କରିଥିଲେ। ଉପ ନଗରପାଳ ମୋ ଇରଫାନ୍, ସମାଜସେବୀ କମଲ ଅଗ୍ରୱାଲ, ଟ୍ରକ୍ ମାଲିକ ସଂଘର ଅଧ୍ୟକ୍ଷ ରାକେଶ ନନ୍ଦା, ଅଖିଳ ଭାରତୀୟ ମାରୱାଡ଼ି ମହିଳା ସମ୍ମିଳନୀର ରାଜଗାଙ୍ଗପୁର ଶାଖାର ଅଧ୍ୟକ୍ଷା ଅନୀତା ଅଗ୍ରୱାଲଙ୍କ ସହିତ ଅନେକ ଗଣମାନ୍ୟ ବ୍ୟକ୍ତି ଶିବିରରେ ଉପସ୍ଥିତ ରହି ରକ୍ତଦାତାଙ୍କ ଉତ୍ସାହ ବଢ଼ାଇଥିଲେ ଏବଂ ନିଜ କରକମଳରେ ସେମାନଙ୍କୁ ପ୍ରଶସ୍ତି ପତ୍ର ପ୍ରଦାନ କରିଥିଲେ।
ରକ୍ତଦାତାଙ୍କୁ ଉତ୍ସାହିତ କରୁଥିବା ଥାନା ଅଧିକାରୀ, ସମାଜସେବୀ କମଲ ଅଗ୍ରୱାଲ ଓ ଅନ୍ୟମାନେ।