Bhubaneswar/ Manasi Mishra : ଦଳ ବିରୋଧରେ ବାରମ୍ବାର ମନ୍ତବ୍ୟ ଦେଉଥିବା ଯୋଗୁ କଂଗ୍ରେସ ଛାଡିବା ପାଇଁ ଘୋଷଣା କରିଥିବା ନବ ଦାସଙ୍କୁ କଂଗ୍ରେସ କଲା ବହିଷ୍କାର | ଅଖିଳ ଭାରତ କଂଗ୍ରେସ କମିଟି ନିର୍ଦ୍ଦେଶ କ୍ରମେ ନବ ଦାସଙ୍କୁ କଂଗ୍ରେସରୁ ବହିଷ୍କାର କରାଗଲା ବୋଲି ପିସିସି ଶ୍ରୁଙ୍ଖଳାନୁଷ୍ଠାନ କମିଟି ଆବାହକ ଅନନ୍ତ ସେଠିଙ୍କ ଦସ୍ତଖତରେ ଏହି ନିର୍ଦ୍ଦେଶନାମା ବାହାରିଛି | ହେଲେ ନବ ଦାସ କାର୍ଯ୍ୟକାରୀ ସଭାପତି ତଥା ଆଇସିସି ମେମ୍ବର ହୋଇଥିବା ବେଳେ ତାଙ୍କୁ କେମିତି ପିସିସି ଦସ୍ତଖତରେ ବହିଷ୍କାର ଆଦେଶ ବାହାରିଛି ତାହାକୁ ନେଇ ଚର୍ଚା | ଏ ସମ୍ପର୍କିତ ଏଆଇସିସି ଆଦେଶନାମା ବି ସଂଯୁକ୍ତ କରାଯାଇନାହିଁ | ତେଣୁ ଏହି ନିର୍ଦ୍ଦେଶନାମାରେ ବିଶ୍ୱସନୀୟତାକୁ ନେଇ ଯଦିଓ ସନ୍ଦେହ ରହିଛି , ତଥାପି ଏହା ପିସିସି ମେଲ ରୁ ଆସିଥିବା ଯୋଗୁ ଅବିଶ୍ୱାସ କରାଯାଇ ନପାରେ |
ସୂଚନାଯୋଗ୍ୟଯେ ଏଆଇସିସି ମେମ୍ବରଙ୍କ ବହିଷ୍କାର ପାଇଁ ପିସିସି ଶୃଙ୍ଖଳାଗତ କମିଟି ଏଆଇସିସିକୁ ସୁପାରିଶ କରିଥାଏ | ଏଆଇସିସି ସମ୍ପୃକ୍ତ ସଭ୍ୟଙ୍କୁ ଶୋ କାଜ ଜାରି କରନ୍ତି, ଯାହାକି ଶ୍ରୀକାନ୍ତ ଜେନାଙ୍କ ପାଇଁ କରାଯାଇଥିଲା | ହେଲେ ନବଙ୍କ ବହିଷ୍କାର କ୍ଷେତ୍ରରେ ତାହା କରାଯାଇଛି କି ନାହିଁ , କମିଟି କେବେ ବସିଥିଲା କି ନାହିଁ ତାହା ଜଣ ପଡ଼ିନାହିଁ |
ବିଶଶ୍ବସ୍ତ ସୂତ୍ରରୁ ମିଳିଥିବା ଖବର ଅନୁସାରେ ନବ ତାଙ୍କ ଇସ୍ତଫା ପତ୍ର ଆଜି ଏଆଇସିସିକୁ ପଠାଇ ଦେଇଛନ୍ତି |
