ପଦ୍ମପୁର/ନିଳ ଦୀପ- ପଦ୍ମପୁର ଉପଖଣ୍ଡସ୍ଥ କନସିଂହା ଗ୍ରାମପଂଚାୟତ ଅନ୍ତର୍ଗତ ରମେଡେଗା ଗ୍ରାମରେ ଦୀର୍ଘ ଚାରିଦିନ ଧରି ଚାଲିଥିବା ବୁଢାରଜା କ୍ରିକେଟ କପ ଉଦଯାପିତ ହୋଇଯାଇଛି  । ଏହି କ୍ରିକେଟ କପରେ ଆଖପାଖ ଅଂଚଳର ୨୦ଗୋଟି ଦଳ ଅଂଶଗ୍ରହଣ କରିଥିଲେ  । ଉଦଯାପନୀ ମ୍ୟାଚ ଗୌଡପାଲି ଓ ଆୟୋଜକ ରମେଡେଗା ମଧ୍ୟରେ ଅନୁଷ୍ଠିତ ହୋଇଥିଲା ଗୌଡପାଲି ଦଳ ଟସ ଜିତି ପ୍ରଥମେ ବ୍ୟାଟିଙ୍ଗ କରିବା ପାଇଁ ନିଷ୍ପତି ନେଇଥିଲା ଏବଂ ୮ ଓଭରରେ ୬ ୱିକେଟ ହରାଇ ୧୧୩ ରନ ସଂଗ୍ରହ କରିଥିଲା  ।ଏହାର ପ୍ରତି ବଦଳରେ ରମେଡେଗା ଦଳ ୩ ୱିକେଟ ହରାଇ ୯୫ ରନ ସଂଗ୍ରହ କରିଥିଲା ଏବଂ ପରାଜୟର ସମ୍ମୁଖିନ ହୋଇଥିଲା  ।ଉଦଯାପନୀ ଉତ୍ସବରେ ଯୁବନେତା ରାଜୁ ଘିବେଲା ମୁଖ୍ୟ ଅତିଥି ଭାବରେ ଯୋଗଦେଇ ବିଜେତା ଓ ଉପବିଜେତା ଦଳଙ୍କୁ ପୁରଷ୍କୃତ କରିଥିଲେ  ।ଅନ୍ୟତମ ଅତିଥି ଭାବରେ କେଶବ ଜାଲ ଓ ରମେଶ ରଣା ଯୋଗ ଦେଇଥିଲେ  ।ଦର୍ପନ ଲୁହାର ଓ ତେଜରାଜ ସାହୁ ଖେଳ ପରିଚାଳନା କରିଥିବା ବେଳେ ଲିଙ୍ଗରାଜ ମହାନନ୍ଦ ସ୍କୋରର ଦାୟିତ୍ୱ ତୁଲାଇଥିଲେ ଏବଂ ଉକ୍ରଳ ସାହୁ ଓ ସୁଶାନ୍ତ ପ୍ରଧାନ ଧାରାବିବରଣୀ ପ୍ରଦାନ କରିଥିଲେ  । କୁଳମଣି,ପ୍ରକାଶ,ଗଙ୍ଗା ଓ ଭିକି ପ୍ରମୁଖ  ବିଶେଷ ସହେଯାଗ କରିଥିଲେ  ।