ବିଭିନ୍ନ ଇଭେଣ୍ଟରେ ୩ ଟି ସ୍ୱର୍ଣ୍ଣ, ୬ଟି ରୌପ୍ୟ ଏବଂ ୧୧ଟି କାଂସ୍ୟ ପଦକ ହାସଲ
ଭୁବନେଶ୍ୱର, ଡିସେମ୍ବର ୦୧, ୨୦୨୫: ଓଡ଼ିଶା ଏଏମ୍/ଏନ୍ଏସ୍ ଇଣ୍ଡିଆ ଜିମ୍ନାଷ୍ଟିକ୍ସ ହାଇ-ପରଫର୍ମାନ୍ସ ସେଣ୍ଟର (ଜିଏଚପିସି) ଆଥଲେଟମାନଙ୍କ, ନଭେମ୍ବର ୨୧ ରୁ ୨୩, ୨୦୨୫ ପର୍ଯ୍ୟନ୍ତ ପର୍ତ୍ତୁଗାଲର ଲିସବନରେ ଅନୁଷ୍ଠିତ ଆନ୍ତର୍ଜାତୀୟ କଣ୍ଟିନେଣ୍ଟାଲ କପ୍ରେ ଚମତ୍କାର ପ୍ରଦର୍ଶନ ଦ୍ୱାରା ବିଶ୍ୱ ଜିମ୍ନାଷ୍ଟିକ୍ସରେ ଭାରତର ବର୍ଦ୍ଧିତ ପ୍ରାଧାନ୍ୟକୁ ଏକ ବଡ଼ ପ୍ରୋତ୍ସାହନ ମିଳିଛି। ବିଶ୍ୱବ୍ୟାପୀ ୧୮ ଟି ଇଲାଇଟ ଜିମ୍ନାଷ୍ଟିକ୍ସ କ୍ଲବ ବିରୁଦ୍ଧରେ ପ୍ରତିଯୋଗିତା କରି, ଜିଏଚପିସି ଦଳ ୨୦ ଟି ପଦକ ହାସଲ କରିଛି, ଯାହା ଜିମ୍ନାଷ୍ଟିକ୍ସରେ ଭାରତର ପ୍ରଭୁତ୍ଵ ଓ ନୂତନ ପିଢ଼ିର ବିଶ୍ୱସ୍ତରୀୟ ଆଥଲେଟମାନଙ୍କ ଶକ୍ତିକୁ ଦର୍ଶାଉଛି।
ଏହି ସଫଳତା ବିଶ୍ୱସ୍ତରୀୟ ତାଲିମ ବ୍ୟବସ୍ଥା, ଭିତ୍ତିଭୂମି ଏବଂ କ୍ରୀଡ଼ାବିତ ବିକାଶ ମଡେଲରେ ରାଜ୍ୟର ନିରନ୍ତର ନିବେଶ ଦ୍ୱାରା ପରିଚାଳିତ ଉଚ୍ଚ-ପ୍ରଦର୍ଶିତ କ୍ରୀଡ଼ା ବିକାଶରେ ଓଡ଼ିଶାର ଅଗ୍ରଣୀ ଭୂମିକାର ଜ୍ଵଳନ୍ତ ପ୍ରମାଣ। ଏହା ଓଡ଼ିଶା-ଏଏମ୍/ଏନ୍ଏସ୍ ଇଣ୍ଡିଆ ସହଭାଗୀତାର ସଫଳତାକୁ ମଧ୍ୟ ପ୍ରତିଫଳିତ କରୁଛି, ଏକ ସରକାରୀ-ବେସରକାରୀ ମଡେଲ୍ ଯାହା ଆନ୍ତର୍ଜାତୀୟ ଫଳାଫଳ ପ୍ରଦାନ କରିଆସୁଛି ଏବଂ ଜିମ୍ନାଷ୍ଟିକ୍ସରେ ଭାରତର ପ୍ରତିଯୋଗିତାମୂଳକ ଭବିଷ୍ୟତକୁ ରୂପ ଦେଇ ଆସୁଛି।
ସିନିୟର ପୁରୁଷ ଆର୍ଟିଷ୍ଟିକ୍ ଜିମ୍ନାଷ୍ଟିକ୍ସ (ଏମଏଜି–ସିନିୟର) ବର୍ଗରେ, ଜଗଦୀଶ ବାରିକ ଅଲ୍-ଆରାଉଣ୍ଡ, ରିଙ୍ଗସ୍ ଏବଂ ଭଲ୍ଟରେ ଚମତ୍କାର ପ୍ରଦର୍ଶନ କରି ୩ ଟି କାଂସ୍ୟ ହାସଲ କରିଥିବାବେଳେ ମୃତ୍ୟୁଞ୍ଜୟ ପଟ୍ଟନାୟକ ପାରାଲାଲ୍ ବାର୍ସରେ ଏକ ବ୍ରୋଞ୍ଜ ପଦକ ଜିତିଛନ୍ତି । ସୁମିତ ଧଳିଙ୍କ ସମେତ ଏହି ତିନି ଜଣ ମିଶି ଦଳଗତ ଇଭେଣ୍ଟରେ ସ୍ୱର୍ଣ୍ଣ ଜିତିଛନ୍ତି। ସିନିୟର ମହିଳା ଆର୍ଟିଷ୍ଟିକ୍ ଜିମ୍ନାଷ୍ଟିକ୍ସ (ଡବ୍ଲୁଏଜି–ସିନିୟର) ବର୍ଗରେ, ତନୁ ଅନଇଭେନ ବାର୍ସରେ କାଂସ୍ୟ ପଦକ ଏବଂ ପ୍ରିୟାଂଶୀ ବଂଶଲ ଭଲ୍ଟରେ କାଂସ୍ୟ ହାସଲ କରିଛନ୍ତି। ତନୁ, ପ୍ରିୟାଂଶୀ, ଅଦିତି ଟୋଡି, ଅଦିତା ମଣ୍ଡଳ ଏବଂ ରଶ୍ମିତା ଦଳଗତ ଇଭେଣ୍ଟରେ ରୌପ୍ୟ ପଦକ ହାସଲ କରିଛନ୍ତି।
ଜୁନିଅର ପୁରୁଷ ଆର୍ଟିଷ୍ଟିକ୍ ଜିମ୍ନାଷ୍ଟିକ୍ସ (ଏମଏଜି -ଜୁନିଅର) ବର୍ଗରେ, ଅଂଶୁମାନ ସୁନ୍ଦରା ହାଇ ବାରରେ ସ୍ୱର୍ଣ୍ଣ ପଦକ ହାସଲ କରିଛନ୍ତି। । ବିରୁ ଚନ୍ଦ୍ର ରାଓ ଭଲ୍ଟସ ଏବଂ ଅଲ୍-ଏରାଉଣ୍ଡ ଜିମ୍ନାଷ୍ଟିକ୍ସରେ ୨ଟି ରୌପ୍ୟ ପଦକ ହାସଲ କରିବା ସହିତ ଫ୍ଲୋର, ପୋମେଲ ହର୍ସ ଏବଂ ରିଙ୍ଗ୍ସରେ ୩ଟି କାଂସ୍ୟ ପଦକ ହାସଲ କରିଛନ୍ତି। ଦେବାଶିଷ ରେଡ୍ଡି ପୋମେଲ୍ ହର୍ସ ଏବଂ ହାଇ ବାର୍ସରେ ଦୁଇଟି ରୌପ୍ୟ ପଦକ ସହିତ ଭଲ୍ଟ, ଏବଂ ଅଲ୍- ଏରାଉଣ୍ଡ ବର୍ଗରେ ଦୁଇଟି କାଂସ୍ୟ ପଦକ ହାସଲ କରିଛନ୍ତି। ଦଳଗତ ଇଭେଣ୍ଟରେ ଅଂଶୁମାନ, ଦେବାଶିଷ ଏବଂ ବିରୁ ସ୍ୱର୍ଣ୍ଣ ପଦକ ହାସଲ କରିଛନ୍ତି। ଜୁନିଅର ମହିଳା ଆର୍ଟିଷ୍ଟିକ୍ ଜିମ୍ନାଷ୍ଟିକ୍ସ (ଡବ୍ଲୁଏଜି -ଜୁନିଅର) ବର୍ଗରେ ପ୍ରିତି ଝାଙ୍କର୍ ଭଲ୍ଟରେ ରୌପ୍ୟ ପଦକ ହାସଲ କରିଛନ୍ତି।
ଓଡ଼ିଶା ଏଏମ୍/ଏନ୍ଏସ୍ ଇଣ୍ଡିଆ ଜିଏଚପିସି ଆଥଲେଟମାନଙ୍କ ଚମତ୍କାର ପଦକ ବିଜୟ ଭାରତର ଦ୍ରୁତ ଗତିରେ ବଢ଼ୁଥିବା ଜିମ୍ନାଷ୍ଟିକ୍ସ ଦକ୍ଷତାର ଏକ ଶକ୍ତିଶାଳୀ ପ୍ରମାଣ। ସେମାନଙ୍କର ସଫଳତା ଓଡ଼ିଶା ପାଇଁ ଅତ୍ୟନ୍ତ ଗର୍ବ ଆଣିଛି ଏବଂ ସାରା ଦେଶରେ ଆକାଂକ୍ଷୀ ଜିମ୍ନାଷ୍ଟିକ୍ସକୁ ପ୍ରେରଣା ଦେଇ ଚାଲିଛି।
