•  ସନ୍ତୁଳିତ ସହରାଂଚଳ ବିକାଶ ପାଇଁ ଟିୟର ୨ ଓ ଟିୟର ୩ ସହରଗୁଡିକରେ ନିବେଶ ପାଇଁ ଡେଭ୍‌ଲପରଙ୍କୁ ଓଡିଶା ସରକାରଙ୍କ ନିବେଦନ

• -ସ୍ୱଦେଶ କୁମାର ରାଉତରାୟ କ୍ରେଡାଇର ପୂର୍ବାଂଚଳ ଉପାଧ୍ୟକ୍ଷ ଭାବେ ନିର୍ବାଚିତ

ଭୁବନେଶ୍ୱର: ଓଡିଶାର ରିଅଲ ଇଷ୍ଟେଟ କ୍ଷେତ୍ର ପାଇଁ ଏକ ବଡ ସଫଳତାକୁ ଚିହ୍ନିତ କରି କନ୍‌ଫେଡେରେଶନ ଅଫ୍ ରିଅଲ ଇଷ୍ଟେଟ ଡେଭ୍‌ଲପର୍ସ ଆସୋସିଏଶନ୍ସ ଅଫ୍ ଇଣ୍ଡିଆ (କ୍ରେଡାଇ) ପକ୍ଷରୁ ଭୁବନେଶ୍ୱରରେ ଏହାର ଏକ୍ସଟ୍ରାଅଡିନାରୀ ଜେନେରାଲ ମିଟିଂ (ଇଜିଏମ) ୨୦୨୫ର ଆୟୋଜନ କରାଯାଇଛି । ଦୀଘ ୯ ବର୍ଷ ବ୍ୟବଧାନ ପରେ କ୍ରେଡାଇ ଏହି ବୈଠକ ସହ ରାଜ୍ୟକୁ ଫେରିଛି । ଏହି କାର୍ଯ୍ୟକ୍ରମ ରିଅଲ ଇଷ୍ଟେଟ କ୍ଷେତ୍ରର ଭବିଷ୍ୟତ, ନିବେଶ ସମ୍ଭାବନା ଓ ସ୍ଥାୟୀ ସହରାଂଚଳ ବିକାଶ ଉପରେ ଆଲୋଚନା କରିବା ପାଇଁ ଜାତୀୟସ୍ତରୀୟ ଲିଡର, ଡେଭଲପର୍‌, ନୀତିନିର୍ମାତା ଓ ହିତାଧିକାରୀଙ୍କ ଏକ ପ୍ରତିଷ୍ଠିତ ପ୍ୟାନେଲକୁ ଏକତ୍ରିତ କରିଥିଲା ।

ଏହି ବୈଠକରେ ଓଡିଶାର ମାନ୍ୟବର ରାଜ୍ୟପାଳ ଡା. ହରିବାବୁ କମ୍ଭମପତି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଯିଏକି ଓଡିଶାର ରଣନୈତିକ ଆର୍ଥିକ ପରିବର୍ତନ ଉପରେ ଗୁରୁତ୍ୱାରୋପ କରିଥିଲେ । ସେ କହିଥିଲେ, “ଓଡିଶା ଏକ ଗୁରୁତ୍ୱପୂର୍ଣ୍ଣ ପରିବର୍ତନ ବିନ୍ଦୁରେ ପହଂଚିବା ସହ ପୂର୍ବ ଭାରତର ଏକ ବିକାଶ ଇଞ୍ଜିନ ଭାବେ ଉଭା ହେଉଛି । ଭୁବନେଶ୍ୱର ଓ ରାଉରକେଲା ଭଳି ସ୍ମାର୍ଟ ସହର, ଭୁବନେଶ୍ୱର-କଟକ-ପୁରୀ କରିଡର ଏବଂ ପ୍ରମୁଖ ଇଣ୍ଡଷ୍ଟ୍ରିଆଲ କରିଡରଗୁଡିକ ଅନେକ ସମ୍ଭାବନାକୁ ଉନ୍ମୋଚନ କରୁଛନ୍ତି ।” ସେ ଡେଭ୍‌ଲପରମାନଙ୍କୁ ସନ୍ତୁଳିତ ସହରୀକରଣ ପାଇଁ ଟିୟର ୨ ଓ ଟିୟର ୩ ସହରଗୁଡିକ ଉପରେ ଗୁରୁତ୍ୱ ଦେବା ଏବଂ ସୁଲଭ ଗୃହ ନିର୍ମାଣ, ସବୁଜ ବିକାଶ ଓ ଡିଜିଟାଲ ଭିତିଭୂମି କ୍ଷେତ୍ରରେ ନିବେଶ କରିବା ପାଇଁ ଆହ୍ୱାନ କରିଛନ୍ତି । ରାଜ୍ୟପାଳ ଶ୍ରୀ କମ୍ଭମପତି ଏହି କ୍ଷେତ୍ରରେ ବିଶ୍ୱାସ ସ୍ଥାପନ କରିବା ପାଇଁ ନୈତିକ ବ୍ୟବସାୟିକ ଅଭ୍ୟାସ ଓ ଗ୍ରାହକ-କୈନ୍ଦ୍ରିତ ମଡେଲଗୁଡିକ ପାଇଁ ଆବଶ୍ୟକତାକୁ ଗୁରୁତ୍ୱ ଦେଇଥିଲେ ।

କାର୍ଯ୍ୟକ୍ରମରେ କ୍ରେଡାଇ ଅଧ୍ୟକ୍ଷ ଶେଖର ଜି ପଟେଲ ଗତ ଦଶନ୍ଧି ମଧ୍ୟରେ ଭୁବନେଶ୍ୱରର ବିବର୍ତନକୁ ଆଲୋକପାତ କରିଥିଲେ । ସେ କହିଥିଲେ, “ଏକ ଟ୍ୱିନ ସିଟିରୁ, ଆମେ ବର୍ତମାନ ଭୁବନେଶ୍ୱର, କଟକ ଓ ପୁରୀକୁ ନେଇ ଏକ ଗତିଶୀଳ ଟ୍ରାଇ-ସିଟି କ୍ଲଷ୍ଟର ପାଇଁ ଲକ୍ଷ୍ୟକୁ ପରିଲକ୍ଷିତ କରୁଛୁ । ଏହି ଅଂଚଳ ଭାରତର ଶୀର୍ଷ ୫୦ଟି ସହରାଂଚଳ କେନ୍ଦ୍ର ମଧ୍ୟରୁ ଗୋଟିଏରେ ପରିଣତ ହେବା ପାଇଁ ପ୍ରସ୍ତୁତ ରହିଛି ।” ସେ ଭାରତର ଅର୍ଥନୀତିରେ ରିଅଲ ଇଷ୍ଟେଟ କ୍ଷେତ୍ରର ଯୋଗଦାନକୁ ଉଲ୍ଲେଖ କରି କହିଥିଲେ, “ବର୍ତମାନ ଏହି କ୍ଷେତ୍ର ଭାରତର ଜିଡିପିରେ ୮.୪%ର ଯୋଗଦାନ ଦେଉଛି, ଏହା ହେଉଛି କୃଷି ପରେ ୨ୟ ସର୍ବବୃହତ ନିଯୁକ୍ତି ସୃଷ୍ଟିକାରୀ କ୍ଷେତ୍ର । ରେରା ଏହି ଶିଳ୍ପକୁ ଶୃଙ୍ଖଳିତ କରୁଥିବା ବେଳେ ଏହି କ୍ଷେତ୍ରର ୯୫% ଏବେ ସଂଗଠିତ ରହିଛି । ୨୦୩୦ ସୁଦ୍ଧା ଏହା ୧ ଟ୍ରିଲିୟନ ଡଲାରର କ୍ଷେତ୍ରରେ ପରିଣତ ହେବ ବୋଲି ଆକଳନ କରାଯାଉଛି ଯାହା ଜିଡିପିରେ ୧୦%ର ଯୋଗଦାନ ଦେବ ।”

ଅତିଥିମାନଙ୍କୁ ସ୍ୱାଗତ କରି, କ୍ରେଡାଇ ଭୁବନେଶ୍ୱରର ସଭାପତି ସୋଫିଆ ଫିରଦୌସ୍ ଭୁବନେଶ୍ୱରକୁ ଇଜିଏମ ପାଇଁ ମନୋନୀତ ହେବା ନେଇ ଗର୍ବ ପ୍ରକାଶ କରିଥିଲେ । \"ସ୍ମାର୍ଟ ସିଟି ମିଶନ ଭଳି ରଣନୈତିକ କେନ୍ଦ୍ରୀୟ ପଦକ୍ଷେପ ସହିତ, ଭୁବନେଶ୍ୱର ପୂର୍ବ ଭାରତର ରିଅଲ୍ ଇଷ୍ଟେଟ୍ ରାଜଧାନୀ ଭାବରେ ଉଭା ହେଉଛି,’ ବୋଲି ସେ କହିଥିଲେ ।

ସେହିଭଳି କ୍ରେଡାଇର ନିର୍ବାଚିତ ସଭାପତି ଜି ରାମ ରେଡ୍ଡି ସଂଗଠନର ବର୍ଦ୍ଧିତ ଜାତୀୟ ଉପସ୍ଥିତି ଉପରେ ଗୁରୁତ୍ୱାରୋପ କରିଥିଲେ । \"୨୦,୦୦୦ରୁ ଅଧିକ ସଦସ୍ୟ ସହିତ କ୍ରେଡାଇ ୨୧ଟି ରାଜ୍ୟର ୨୦୦ ରୁ ଅଧିକ ସହରରେ କାର୍ଯ୍ୟ କରୁଛି ଏବଂ ନୀତି ଗଠନ ଏବଂ ଶିଳ୍ପ ସମର୍ଥନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି,’ବୋଲି ସେ ଉଲ୍ଲେଖ କରିଥିଲେ ।

କ୍ରେଡାଇ ଓଡ଼ିଶାର ସଭାପତି ସ୍ୱଦେଶ କୁମାର ରାଉତରାୟ ଓଡ଼ିଶାର ଦ୍ରୁତ ସହରାଂଚଳ ବିକାଶ ଉପରେ ଆଲୋକପାତ କରିଥିଲେ । ସେ କହିଛନ୍ତି ଯେ, \"ଭୁବନେଶ୍ୱର, କଟକ, ପୁରୀ ଏବଂ ରାଉରକେଲା ଭଳି ସହରଗୁଡ଼ିକରେ ଉଲ୍ଲେଖନୀୟ ରିଅଲ୍ ଇଷ୍ଟେଟ୍ ଅଭିବୃଦ୍ଧି ହେଉଛି । ରାଜ୍ୟ ସମର୍ଥନ ଏବଂ ଏକକ-ୱିଣ୍ଡୋ କ୍ଲିୟରାନ୍ସ ସିଷ୍ଟମ ସହିତ, ରିଅଲ୍ ଇଷ୍ଟେଟ୍ ସଂସ୍କାର ଏବଂ ବ୍ୟବସାୟ କରିବାର ସହଜତାରେ ଓଡ଼ିଶା ଅନ୍ୟ ରାଜ୍ୟଗୁଡ଼ିକ ପାଇଁ ଏକ ମାନଦଣ୍ଡ ହୋଇପାରିବ ।’

ଏକାମ୍ର ବିଧାୟକ ବାବୁ ସିଂହ ଡେଭଲପରମାନଙ୍କୁ ରାଷ୍ଟ୍ର ନିର୍ମାଣର ଆଧୁନିକ ‘ବିଶ୍ୱକର୍ମା\' ଭାବରେ ପ୍ରଶଂସା କରିଥିଲେ ଏବଂ ଗତ କିଛି ବର୍ଷ ମଧ୍ୟରେ କ୍ଷେତ୍ରୀୟ ଚ୍ୟାଲେଞ୍ଜର ମୁକାବିଲା ପାଇଁ ସରକାରଙ୍କ ବିକାଶକାରୀଙ୍କ ସହ ସକ୍ରିୟ ସମ୍ପର୍କକୁ ସ୍ୱୀକାର କରିଥିଲେ । ସ୍ୱଦେଶ କୁମାର ରାଉତରାୟଙ୍କୁ ସର୍ବସମ୍ମତିକ୍ରମେ ପୂର୍ବ ଜୋନ୍ - କ୍ରେଡାଇ ଉପାଧ୍ୟକ୍ଷ ଭାବରେ ନିର୍ବାଚିତ କରାଯାଇଥିଲା । ଉପସ୍ଥିତ ଅନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ କ୍ରେଡାଇର ବରିଷ୍ଠ ନେତୃତ୍ୱ ଶାନ୍ତିଲାଲ କଟାରିଆ, ପୂର୍ବତନ ସଭାପତି ଶେଖର ରେଡ୍ଡୀ, ରମଣୀ ଶାସ୍ତ୍ରୀ ଏବଂ ମନୋଜ ଗୌର, ପୂର୍ବତନ ଅଧ୍ୟକ୍ଷ କ୍ରେଡାଇ ପ୍ରମୁଖ ଉପସ୍ଥିତ ଥିଲେ ।

୨୦୨୫ ମସିହାର ଇଜିଏମ ରିଅଲ୍ ଇଷ୍ଟେଟ୍ ସମ୍ପ୍ରଦାୟକୁ ସରକାରଙ୍କ ସ୍ଥାୟୀ, ଅନ୍ତର୍ଭୁକ୍ତିମୂଳକ ଏବଂ ଆଂଚଳିକ ସନ୍ତୁଳିତ ସହରାଂଚଳ ବିକାଶ ଦୃଷ୍ଟିକୋଣ ସହିତ ସମନ୍ୱୟ ସ୍ଥାପନ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ପ୍ଲାଟଫର୍ମ ପ୍ରଦାନ କରିଛି, ଯାହା ଭାରତର ରିଅଲ୍ ଇଷ୍ଟେଟ୍ ମାନଚିତ୍ରରେ ଏକ ପ୍ରମୁଖ ଅଭିବୃଦ୍ଧି ସୀମା ଭାବରେ ଓଡ଼ିଶାର ସ୍ଥିତିକୁ ପୁନଃନିର୍ଦ୍ଦିଷ୍ଟ କରିଛି ।