ପଦ୍ମପୁର :- ନୀଳକଣ୍ଠେଶ୍ୱରପୁର ଶିବ ମନ୍ଦିର ପ୍ରାଙ୍ଗଣରେ ଶ୍ରୀରାମ ନବମୀ ଉପଲକ୍ଷେ ମହେଶ୍ବର ପୁରୀଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଆୟୋଜିତ ଏହି ବୈଠକରେ ଆସନ୍ତା ଅପ୍ରେଲ ୬ ତାରିଖରେ ଶ୍ରୀରାମ ନବମୀ ପାଳନ ଉପରେ ଆଲୋଚନା ହୋଇଥିଲା । ସକାଳେ କଳସ ଶୋଭାଯାତ୍ରା ବାହାରି ପୂଜାର୍ଚ୍ଚନା ହେବା ସହ ସନ୍ଧ୍ଯାରେ କବି ସମ୍ମିଳନୀ ଓ କବିତା ପାଠ କାର୍ଯ୍ୟକ୍ରମ ଅନୁଷ୍ଠିତ ହେବ । ଏହି ଅବସରରେ କୋଶଳ ଭଞ୍ଜ କବି ରସିକ ଚନ୍ଦ୍ର ବେହେରାଙ୍କ ପୁସ୍ତକ "ଶ୍ରୀ ନୀଳକଣ୍ଠେଶ୍ୱର" ଉନ୍ମୋଚନ ହେବାର କାର୍ଯ୍ୟକ୍ରମ ରହିଥିବା ସମ୍ପାଦକ ସୁରେଶ ସାହୁ ସୂଚନା ପ୍ରଦାନ କରିଛନ୍ତି ।ଏହି ବୈଠକରେ କମିଟି ର ସାଧୁ ବଢେଇ, କୁଞ୍ଜରାଜ ବରିହା, ଦେବାଶିଷ ପଟ୍ଟନାୟକ, ଜଳଧର ବିଶ୍ଵାଳ, ବିରଞ୍ଚି ଭୋଇ ମଙ୍ଗଳୁ ବରିହା ଅର୍ଜୁନ ବିଶ୍ଵାଳ, ଶିବାଶିଷ ପଟ୍ଟନାୟକ, ଦିଲ୍ଲୀପ ପାଣ୍ଡେ, କୈଳାସ ବାଗ, ପୂଜକ ମିତ୍ରଭାନୁ ପୁରୀ ପ୍ରମୁଖ ଉପସ୍ଥିତ ଥିଲେ।