ପଦ୍ମପୁର :- ସ୍ଥାନୀୟ ରାଜବୋଡାସମ୍ବର ଖେଳପଡିଆ ଠାରେ 29 ତମ ସର୍ବଭାରତୀୟ ବୋରାସମ୍ବର କ୍ରିକେଟ କପ୍ ର ପଞ୍ଚମ ଦିବସ ରେ ଦ୍ଵିତୀୟ ଗ୍ରୁପର ପ୍ରଥମ ମ୍ୟାଚ୍ ଆଜି ବ୍ଲୁ ଡାଇମଣ୍ଡ ବରଗଡ ଓ ରକେଟ ଇଣ୍ଟରନେସନାଲ ନାଗପୁର ମଧ୍ୟରେ ଅନୁଷ୍ଠିତ ହୋଇଥିଲା। ବରଗଡ ଦଳ ଟସ ଜିଣି ନାଗପୁର ଦଳକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲେ l ନାଗପୁର ଦଳ ନିର୍ଦ୍ଧାରିତ 26.3 ଓଭରରେ ସମସ୍ତେ ବିକେଟ ହରାଇ 158 ରନ ସଂଗ୍ରହ କରିଥିଲେ ଓ ଦଳ ପକ୍ଷରୁ କ୍ରିଷ 43 ବଲ ରେ 52 ରନ କରିଥିଲେ l ବରଗଡ ପକ୍ଷରୁ ବାଦଲ ନିଶାଦ ଓ ୱାଲଟର ଟପ୍ପୋ 4 ଟି ଲେଖାଏଁ ଓ୍ବିକେଟ ନେଇଥିଲେ l ତାର ଜବାବରେ ବରଗଡ ଦଳ 14.1 ଓଭରରେ 3 ଓ୍ବିକେଟ ହରାଇ ଆବଶ୍ୟକ ରନ ସଂଗ୍ରହ କରି ବିଜୟୀ ହୋଇଥିଲେ। ବରଗଡ ଦଳ ପକ୍ଷରୁ ବିକାଶ ଚୌଧୁରୀ 43 ବଲ ରେ 100 ରନ ସଂଗ୍ରହ କରିଥିଲେ lଫଳରେ 7 ଓ୍ବିକେଟ ରେ ବରଗଡ ଦଳ ବିଜୟୀ ହୋଇଥିଲେ। ଆଜିର ମ୍ୟାଚର ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ ପଦ୍ମପୁର ଦୁର୍ଗାପୂଜା କମିଟି ତଥା ବଣିକ ସଂଘ ସଭାପତି ପ୍ରତାପ ମିଶ୍ର ଓ ସମ୍ମାନିତ ଅତିଥି ଦୁର୍ଗାପୂଜା କମିଟି ସମ୍ପାଦକ ଯୁଗଳ କିଶୋର ସାହୁ ଯୋଗଦାନ କରି ମେନ୍ ଅଫ ଦି ମ୍ୟାଚ ଭାବରେ ବରଗଡ ଦଳର ବିକାଶ ଚୌଧୁରୀ ଙ୍କୁ ପୁରସ୍କୃତ କରିଥିଲେ । ଆଜିର ମ୍ୟାଚ କୁ ଅମ୍ପାୟାର ଚୂଡ଼ାମଣି ପାଢ଼ୀ ଏବଂ ବିଶ୍ୱମ୍ଭର ମହାକୁର ପରିଚାଳନା କରିଥିବା ବେଳେ ସ୍କୋରର ଅମରେଶ ବେହେରା, ରିଙ୍କୁ ବରିହା ଓ ରୋହିଣି ପାଣ୍ଡେ,କୁମାର ଆନନ୍ଦ, ଦିବ୍ୟ ପଣ୍ଡା ଓ ପ୍ରକାଶ ପାତ୍ର ପ୍ରମୁଖ ମ୍ୟାଚ୍ ର ଧାରାବିବରଣୀ ପ୍ରଦାନ କରିଥିଲେ ।ଆସନ୍ତା କାଲି 'ବି' ପୁଲର ଦ୍ଵିତୀୟ ମ୍ୟାଚ ବାପୁଜୀ କ୍ରିକେଟ କ୍ଲବ ଭୁବନେଶ୍ୱର ଓ ବ୍ଲୁ ଡାଇମଣ୍ଡ ବରଗଡ଼ ମଧ୍ୟରେ ଅନୁଷ୍ଠିତ ହେବ l