ଟ୍ରକ୍ ସହ 23 ଗାଈ ଉଦ୍ଧାର ; ସୋରଡ଼ା ଗୋଶାଳାରେ ଗାଈଙ୍କୁ ଥଇଥାନ

ବେଲଗୁଣ୍ଠା,-(ଶିବରାମ ଚୌଧୁରୀ )-, ଆଜି ଅପରାହ୍ଣ ଚାରି ଘଣ୍ଟା ସମୟରେ ବେଲଗୁଣ୍ଠା ଥାନା ଅନ୍ତର୍ଗତ ଉଢୁରା ଗ୍ରାମରୁ ଏକ ଟ୍ରକ୍ ଆନ୍ଧ୍ର ପ୍ରଦେଶ ଯାଉଥିବାର ଖବର ପୋଲିସ୍ ପାଖରେ ପହଞ୍ଚିଥିଲା I ଏହି ଗାଡ଼ିରେ ଗୋଚାଲାଣ ହେଉଥିବା ଖବର ମିଳିବା ପରେ ବେଲଗୁଣ୍ଠା ଥାନା ଅଧିକାରୀ ବନବିହାରୀ ପ୍ରଧାନ ସଦଳବଳେ ଗାଡ଼ି ଉପରେ ଚଢ଼ାଉ କରିଥିଲେ I ଚଢାଉବେଳେ ଆନ୍ଧ୍ରର ଏହି ଗାଡିଟି ଆନ୍ଧ୍ର ଯାଉଥିବା ବେଳେ ଡ଼୍ରାଇଭର ଏବଂ ଦୁଇ ହେଲ୍ପର୍ ସହ ଉଢୁରା ଗ୍ରାମର ଗଗନ ନାଇକକୁ ପୋଲିସ୍ ଗିରଫ କରିଛି I ଏହା ସହିତ ଗାଡିରେ ଥିବା 23 ଗାଈଙ୍କୁ ଉଦ୍ଧାର କରି ତର୍ଜ୍ଜମା କରିବା ପରେ ଗାଈ ମାନଙ୍କୁ ସୋରଡ଼ା ଗୋଶାଳାକୁ ପଠାଇ ଦିଆ ଯାଇଛି I ଏନେଇ 415/24 ଏକ ମାମଲା ରୁଜୁ କରି ବେଲଗୁଣ୍ଠା ଥାନା ଏସ୍ଆଇ ଅଭୟ ପ୍ରଧାନ ଘଟଣାର ତଦନ୍ତ କରୁଛନ୍ତି I ପୂର୍ବରୁ ମଧ୍ୟ ଏହି ଅଞ୍ଚଳରୁ ଗୋଚାଲାଣ ହେଉଥିବା ନେଇ ବିଭିନ୍ନ ସମୟରେ ଅଭିଯୋଗ ହେଉଥିବା ବେଳେ ଆଜି ଗୋଚାଲାଣକାରୀ ପୋଲିସ୍ ହାବୁଡରେ ପଡିବା ପରେ ଗୋଚାଲାଣ କରୁ୍ଥିବା ଅସାମାଜିକ ବ୍ୟକ୍ତି୍ ମାନେ ଭୟଭୀତ ହୋଇପଡ଼ିଛନ୍ତି l