ପାରଳାଖେମଣ୍ଡି / ବାଳକୃଷ୍ଣ ପାଣିଗ୍ରାହୀ : ଗୁମ୍ମା ବ୍ଲକର ଅନ୍ତର୍ଗତ ମୁନିସିଂ ପଞ୍ଚାୟତ ରେ ପଞ୍ଚାୟତ ସ୍ତରୀୟ ମହିଳା ସଭା ଅନୁଷ୍ଠିତ ହୋଇଯାଇଛି। ଏଥିରେ ପଞ୍ଚାୟତର ଶତାଧିକ ମହିଳା ଯୋଗ ଦେଇଥିଲେ।
ଏହି ସଭାରେ ଜିଲ୍ଲା ପଞ୍ଚାୟତ ଅଧିକାରୀ , ଜିଲ୍ଲା ଉଦ୍ୟାନ କୃଷି ବିଭାଗର ଡେପୁଟି ଡାଇରେକ୍ଟର , ଜିଲ୍ଲା ଓ ଏଲ୍ ଏମ.D PM , ଗୁମ୍ମା ବ୍ଲକର ଶିଶୁ ପ୍ରକଳ୍ପ ଅଧିକାରୀ , (CDPO) ସ୍ଵାସ୍ଥ୍ୟ ବିଭାଗ , କର୍ମୀ , ସମସ୍ତ ୱାର୍ଡ ମେମ୍ବର , ସମିତି ସଭ୍ୟ ଉପସ୍ଥିତ ରହି ପ୍ରଦୀପ ପ୍ରଜ୍ବଳନ ପୂର୍ବକ ମହାତ୍ମା ଗାନ୍ଧିଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରି ମହିଳା ସଭାର ଶୁଭାରମ୍ଭ କରାଯାଇଥିଲା।
ଏହି ଅବସରରେ ଅତିଥି ମାନଙ୍କୁ ସ୍ଥାନୀୟ ସରପଞ୍ଚ ଶ୍ରୀମତୀ ସାରା ମଣ୍ଡଳ ସ୍ବାଗତ ଜଣାଇଥିଲେ। ଜିଲ୍ଲା ପଞ୍ଚାୟତ ଅଧିକାରୀ , ଜିଲ୍ଲା ଉଦ୍ୟାନ କୃଷି ବିଭାଗର ମୁଖ୍ୟ , ଗୁମ୍ମା ବ୍ଲକ CDPO , DPM , ମହିଳା ସଭାର ଉଦ୍ଦେଶ୍ୟ ଲକ୍ଷ୍ୟ ଓ ପଞ୍ଚାୟତରେ ମହିଳା ମାନଙ୍କ ଭୂମିକା ଓ ଅଂଶଗ୍ରହଣ କିପରି ହେବା ଆବଶ୍ୟକ ଓ ମହିଳା ମାନଙ୍କ ଉନ୍ନତି ପାଇଁ ବିଭିନ୍ନ ପ୍ରକାରର ସରକାରୀ ସହାୟତା ରେ ଲାଭବାନ ହେବା ଓ ପିଲାମାନଙ୍କ କ୍ଷେତ୍ରରେ ସମସ୍ତ ପିଲାଙ୍କୁ ପାଠ ପଢ଼ାଇବା , ବାଲ୍ୟ ବିବାହ ପ୍ରଥାକୁ ଲୋପ କରିବା , ଘରୋଇ ହିଂସା , ଯୌତୁକ ପ୍ରଥାକୁ ବିରୋଧ କରିବା ସମ୍ପର୍କେ ଆଲୋକପାତ କରିଥିଲେ।
ପୁଣି ସମସ୍ତ ମହିଳା ଚାଷୀ ଙ୍କ ପାଇଁ ଉନ୍ନତ ଧରଣର ଲାଭବାନ ଚାଷ କରି ସ୍ୱାବଲମ୍ବୀ ହେବା ପାଇଁ ଉତ୍ସାହ ପ୍ରଦାନ କରିଥିଲେ ଓ ଏକ ଆଦର୍ଶ ମହିଳା ଅନୁକୁଳ ପଞ୍ଚାୟତ ପାଇଁ ଆହ୍ୱାନ ଦେଇଥିଲେ।
କାର୍ଯ୍ୟକ୍ରମକୁ ପ୍ରେମ୍ ସଂସ୍ଥାର ବରିଷ୍ଠ କର୍ମୀ ଶ୍ରୀ ଲାଜର ଲିମ୍ମା ପରିଚାଳନା କରିଥିବାବେଳେ ପଞ୍ଚାୟତ ନିର୍ବାହୀ ଅଧିକାରୀ ଧନ୍ୟବାଦ୍ ଅର୍ପଣ କରିଥିଲେ।