ପୂଜା ମନାଇପାରିଲେନି , ଦୁର୍ଘଟଣାରେ ଲିଭିଗଲା 10 ଜୀବନ ଦୀପ

ନୂଆପଡା :- ଗତ ମଙ୍ଗଳବାର ମଧ୍ୟରାତ୍ରୀ ଓ ବୁଧବାର ପାହାନ୍ତା ପ୍ରାୟ 1 ତା 30 ରେ ନୂଆପଡ଼ା ରୁ ଖରିଆର ରୋଡ଼ ରାସ୍ତା ରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ 10 ଜଣଙ୍କର ମୃତ୍ୟୁ ହେଇଯାଇଥିବା ଜଣା ପଡ଼ିଛି । ମୃତକ ମାନେ ସମସ୍ତେ ଛତିଶଗଡ଼ ରାଜ୍ୟ ର ବୋଲି ଜଣା ପଡ଼ିଛି ।

       ମୃତକ ଏକ ବୁଲେରୋ ରେ ଛତିଶଗଡ଼ ବସନା ଅଂଚଳରୁ ନୂଆପଡା କୁମନା କୁ ଏକ ଧାର୍ମିକ ଅନୁଷ୍ଠାନ ରେ ଅଂଶ ଗ୍ରହଣ କରି  ବସନା କୁ ଫେରିବା ସମୟରେ ଏହି ଦୁର୍ଘଟଣା ଘଟିଥିଲା । ମୃତକ ମାନେ ହେଲେ 1 ଦିନେଶ ଦନସନା 2 ଚାନ୍ଦନୀ 3 ଭାରତୀ (17)ଧନଞ୍ଜୟ(15)ମେଘନାଦ (42)ଘନଶ୍ୟାମ (42) ଡିଲେଶ୍ୱରୀ (25) ମିନା (12) ସୁରଜିତ ସିଂ 45 ମୁକେଶ ଅଗ୍ରବାଲ 32 ପ୍ରମୂଖ ରହିଛନ୍ତି ।ଉକ୍ତ ଦୁର୍ଘଟଣାରେ ଗୋଟିଏ ପରିବାର ର 4 ଜଣ ଓ ଆଉ ଏକ ପରିବାର ର 3 ଜଣ ସଦସ୍ୟ ରହିଛନ୍ତି । ମୃତକ ମେଘନାଦ ହେଉଛନ୍ତି ବଳଦିଦିହି ର ସରପଞ୍ଚ । ମୃତକ ମାନେ ବସନା ନିକଟସ୍ଥ ସଂକ୍ରା ,ବଳଦିଦିହି ,ଅଂଶଳା ଗ୍ରାମର ନିବାସୀ । ଏହି ଦୁଃଖଦ ଘଟଣା ଜାଣିବା ପରେ ଘଟଣା ସ୍ଥଳ ଓ ନୂଆପଡ଼ା ଡାକ୍ତରଖାନା ନିକଟରେ ପ୍ରବଳ ଭିଡ ଲକ୍ଷ କରାଯାଉଛି । ଯିଏ ଭି ଶୁଣୁଛି ସ୍ତବ୍ଧ ହେଇଯାଉଛି । ନୂଆପଡା ପୋଲିସ ତୁରନ୍ତ ଘଟଣା ସ୍ଥଳକୁ ପହଂଚି ଉଦ୍ଧାର କାର୍ଯ କରିବା ସହିତ ମୃତକ ମାନଙ୍କୁ ବ୍ୟବଛେଦ ପାଇଁ ଡାକ୍ତରଖାନାରେ ପହଞ୍ଚାଇ ଦେଇଛି। ଦୁର୍ଘଟଣା ର ପ୍ରକୃତ କାରଣ ତଦନ୍ତ ପରେ ହିଁ ଜଣ ପଡିବ ।